Сахалыы сыhыарыы
Саха Республикатын Президенэ Егор Борисов Бүлүү улууһун Хампа сэлиэнньэтигэр саҥа таас оскуоланы үөрүүлээхтик аһыыга эппит санаата
Мин үөрэҕирии үлэһиттэриттэн биири эрэ көрдөһөбүн: ыччат өйүн-санаатын уларытыахха, саҥалыы иитиэххэ, патриотическай иэйиигэ үөрэтиэххэ диэн.
Билигин олоххо сүрдээх улахан ирдэбиллэр тураллар. Бүгүн алтыс кылааска үөрэнэр оҕолоргутуттан ыйыппытым, биир да саха суруйааччытын билбэттэр. Оҕолор төрөөбүт тылларын, төрүттэрин-уустарын, саха суруйааччыларын билиэхтээхтэр. Баҕар, миигиттэн симиттэн эппиэттээбэтэх буолуохтарын сөп эрээри, аныгы оҕо толлубат буолан турар, эһиги ыччаттаргытын оннукка үөрэтэн тураҕыт. Санааларын этиэхтээхтэр этэ. Саха норуодунай суруйааччыларын билиэхтээхтэр. Онон дириэктэрдэр уонна учууталлар итини толкуйдаатаххытына сатанар. Саҥа оскуола тутуллара диэн дьыала биир өттө, онуоха туох эрэ көрдөрүү, түмүк баар буолуохтаах.
Республикаҕа сүүстэн тахса саҥа оскуоланы туттубут. Соторутааҕыта Правительство чилиэннэрин кытта үөрэх министерствотын үлэһиттэрин кытта көрсөн, саҥа оскуолалар үлэҕэ киирэннэр туох уларыйыы, ситиһии баарый диэн ыйытыы биэрдим. Туох да үчүгэй көрдөрүү баарын булан кэпсээбэтилэр. Ол аата таас оскуола туттахпытына да5аны, туһата кыра буолан тахсар. Бэйэм кэтээн көрөрбүнэн, көдьүүһэ диэн таас оскуолаҕа үөрэнэр оҕолор тутта-хапта сылдьаллара, общественнай сиргэ сыһыаннара балайда уларыйар. Бу, биллэн турар, үчүгэй. Ол гынан баран, маннык бэртээхэй оскуолалары үлэҕэ киллэрэн баран, оҕолорбутугар билии биэрбэт буоллахпытына, биһиги туохха туһалааҕы тутабыт оччоҕо. Итинник этиилээхпин.
Эһигиттэн биһиги элбэҕи кэтэһэбит, күүтэбит. 21-с үйэҕэ олоробут, ону умнумаҥ. Үлэһит ыччаты иитэн, үөрэтэн таһаарыахтаахпыт. Манна бастакы кылаастартан ыйыталаспытым, оҕолор үөрэхтэрин кэнниттэн дьиэлэригэр үлэлиир, дьонноругар көмөлөһөр эбиттэр. Бу киһини үөрдэр. Ол эрээри, билиҥҥи ыччат ити саҥа улаатан эрэр оҕолортон букатын атын өйдөөх-санаалаах. Ыччат үлэни буолбакка, көрү-нары эккирэтэр. Онно бары буруйдаахпыт, ол иһигэр оскуола эмиэ. Итинник психологияны, өйдөбүлү барытын уларыттахпытына табыллар. Норуоту норуот, республиканы республика оҥоруохпутун баҕарар буоллахпытына, үлэҕэ сыһыаннаах, үлэни өйдүүр, билэр, төрөөбүт дойдутун, дьонун-сэргэтин таптыыр, ытыктыыр ыччаты иитэн таһаарыахтаахпыт. Манна сүрдээх элбэх боппуруостар бааллар. Онон Бүлүү улууһун үөрэҕин салайааччылара, ыччаты иитээччилэрэ, баһаалыста, кытаатан үлэлээҥ. Бу туһунан кэпсэтэр түгэни кэлин булуохпут, онно балайда киэҥник сэһэргэһиэхпит.
(Сайт Президента РС(Я)) 2010-09-19 22:33:44 Всего просмотров: 2557 Поделиться: 
Ссылки по ключевым словам:
2026-10-17 21:56:55 - Трамп назвал позором действия Зеленского. Главные заявления президента США 2026-10-17 15:28:51 - Якутский лучник помог сборной России завоевать золото на Кубке президента Таджикистана 2026-09-08 11:20:38 - «Квартал труда», Эльга, Тикси и онкоцентр — что Президент сказал о Якутии на ВЭФ‑2026 2026-08-25 10:36:08 - Временное управление критической инфраструктурой: что значит новый указ Президента и как это скажется на жизнеобеспечении Якутии 2026-07-14 15:09:26 - Встреча Владимира Путина с Айсеном Николаевым: о чем говорили президент РФ и глава Якутии 2026-06-27 15:32:46 - Заместитель президента РАН Черешнев: На регуляцию организма влияет микробиота 2026-06-06 19:26:43 - «Европейские элиты провоцируют хаос» Путин выступил с речью на ПМЭФ. Что сказал президент? 2026-05-19 08:29:00 - Земля, льготы и помощь в быту: как новый указ Президента РФ усилит поддержку якутян — участников СВО 2026-03-10 17:24:25 - В Якутии семь дворов благоустроят на средства президентской субсидии 2026-02-27 10:33:49 - В Мегино-Кангаласском районе обсудили устойчивое развитие Якутии с участием сенатора Егора Борисова |
