Сахалыы сыhыарыы
Дьокуускай аэропордун генеральнай дириэктэрэ Андрей ИЛЛАРИОНОВ балаһыанньаны хонтуруоллуур
“В Якутии.ру” интернет-хаһыат редактора Елена ТИХОНОВА, “Аартык.ру” порталга анаан биллэрбитинэн, субу чааска Дьокуускай аэропорда аһыллан, өрөспүүбүлүкэ таһыгар көтөр рейстэр үлэлэрэ күргүөмүнэн саҕаламмыт.
“Дьокуускай аэропорда” ААО генеральнай дириэктэрэ, Ил Түмэн дьокутаата Андрей Илларионов, билигин Москубаҕа да сырыттар, “салайар тэрилтэбэр туох –хайдах балаһыанньа үөскээбитин быһа сибээһинэн билэ олоробун” диэн Елена Тихоноваҕа эппит.
Эрдэ биллэрбиппитин курдук, от ыйын 14 күнүгэр киин куорат бүтүннүү буруоҕа ылларбытынан сибээстээн, Саха сирин таһыгар көтөр “Якутия”, “Глобус”, “Трансаэро” авиахампаанньалар сөмөлүөттэрэ кыайан көппөккө рейстэрин биирдии чааһынан уһатан биэрэн испиттэрэ. Киэһээ 17.00 чаастааҕы туругунан, аэровокзалга 700-чэкэ киһи хаайтаран олорор диэн этэ. Рейстэрэ тардыллыбыт дьону барыларын, ол иһигэр “Азия оҕолоро” спортивнай оонньуулар кыттыылаахтарын, гостиницаларынан тарҕаталаабыттарын, итии аһылыганан-үөлүнэн хааччыйбыттарын туһунан Дьокуускай мээрийэтин суһал мунньаҕар аэропорт салалтата иһитиннэрбитэ.
Андрей Илларионов төлөпүөнүнэн кэпсииринэн, хаайтарбыт дьон рейстэрэ тардыллыбыт төрүөтүн өйдүүллэр, кимиэхэ да өһүүр санаа хоммотох. Оннук эрэ буоллун.
“Азия оҕолоро” спортивнай оонньууга кытта кэлбит делегациялар салайааччыларын кытары кэпсэтэ сырыттым. Айылҕа иэдээнин утарылаһар уустугун кинилэр эмиэ өйдүүллэр, биһиги буруйбут онно суоҕун бэркэ диэн билэллэр. Дьокуускайга түмүк күннэрэ буруоттан буортуламмытыттан улаханнык санаалара түспэтэх. Төттөрүтүн дьикти айылҕалаах, истиҥ дьонноох Саха сиригэр сылдьан баран эрэрбититтэн дуоһуйабыт, болҕомтолоохтук, истиҥник сыһыаннаспыккытыгар өрөспүүбүлүкэ, куорат салалтатыгар, аэропорт үлэһиттэригэр уонна аламаҕай майгылаах Саха сирин бары олохтоохторугар махтаналларын эттилэр. Норуоттар доҕордоһуулара буруоҕа бохсуллубатын тоһоҕолоон бэлиэтээтилэр”, - диэн Андрей Аркадьевич тиэрдэр.
Ыалдьыттарбытын мааныга-далбарга сырытыннарбыппыт кэлин, кэнэҕэс ыччаппытыгар билсэллэригэр-көрсөллөрүгэр, үлэлииллэригэр-хамсыылларыгар үтүө түмүгү аҕалыа диэн эрэнэбит.
http://aartyk.ru/sobitiya/item/1368-dokuuskay-aeropordun-generalnay-diriektere-andrey-illarionov-balaһyannany-honturuolluur 2012-07-15 03:39:31 Всего просмотров: 3128 Поделиться: 
Ссылки по ключевым словам:
2026-08-07 08:41:08 - Александр Подголов: активная жизненная позиция ветеранов Жатая 2026-08-07 08:38:12 - В селе Майя пройдёт иммерсивный фестиваль «Андросов FEST» к 75‑летию В. Т. Андросова 2026-08-04 22:17:14 - Встреча с генеральным директором компании «Алроса» Павлом Маринычевым 2026-07-31 19:43:15 - «Это уникальный случай»: Александр Иванов — о 50-летии триумфа на Олимпийских играх 2026-07-29 07:09:49 - На дальней станции скажу… на другой услышат. Начальник дистанции связи Андрей Пьянников знает, как говорит железная дорога
2026-06-06 20:15:18 - «Хочу поблагодарить себя». Россиянка Андреева выиграла «Ролан Гаррос», став самой юной чемпионкой турнира за последние десятилетия 2026-05-28 10:49:27 - Андрей Находкин: Мы предлагаем расширить круг членов семей погибших участников СВО, имеющих право на бесплатное получение земельного участка 2026-04-30 10:19:13 - Александр Атласов обсудил в Москве вопрос о инициировании внесения изменений в Правила противопожарного режима в РФ 2026-04-08 12:00:22 - В ОЛЕНЬКЕ СОСТОЯЛСЯ РЕСПУБЛИКАНСКИЙ ТУРНИР, ПОСВЯЩЕННЫЙ ПАМЯТИ ИННОКЕНТИЯ ИЛЛАРИОНОВА 2026-03-26 06:29:54 - Полномочия депутата Ил Тумэна Александра Иванова* прекращены досрочно в связи с приобретением статуса иностранного агента |
