В парламенте
Александр Атласов: Саха ынаҕын иитии, чинчийии үлэтэ саҥа таһымҥа тахсыаҕа
 «Саха сүөһүтэ» генофонда хааһына тэрилтэ Нам улууһугар тэйиччи турар Таастаах нэһилиэгэр баар сайылыгар уонна наука киинигэр уот ситимэ киириитэ тэрилтэ инники сайдыытыгар төһүү күүс буолуоҕа.
Үөрүүлээх тэрээһиҥҥэ Ил Түмэн тыа хаһаайыстыбатыгар уонна аграрнай бэлиитикэҕэ сис кэмитиэтин бэрэссэдээтэлэ Александр Атласов, тыа хаһаайыстыбатын миниистирин солбуйааччы Николай Афанасьев, Нам улууһун баһылыга Юрий Слепцов, «Саха сүөһүтэ» генофонда хааһына тэрилтэ дириэктэрэ Александр Артемьев, Дьокуускайдааҕы тыа хаһаайыстыбатын научнай, чинчийэр институтун үлэһитэ Григорий Мачахтыров, Таастаах нэһилиэгин баһылыга Егор Лиханов уонна уот ситимин тардыы үлэтин ыыппыт бэдэрээччиктэр «Киинстрой» ХЭТ генеральнай дириэктэрэ Анатолий Абрамов, «Энеко инжиниринг» ХЭТ генеральнай дириэктэрэ Евгений Дагаяров кыттыыны ыллылар.
Таастаах бөһүөлэгиттэн бэрт чугас сытар «Эбэ Атаҕа» диэн сиргэ 2022 сыллаахха научнай киин тутуллубута. Манна өбүгэлэрбит сүөһүнү былыр хайдах көрөн-истэн кэлбиттэригэр чугаһатан уруккулуу моһуоннаах 50 сүөһү турар хотоно, үлэһиттэр олорор дьиэлэрэ тутуллубута. Уот суох буолан научнай киин үлэлээбэккэ турбута.
Тураҥнаах сайылыга бөһүөлэктэн 5 км тэйиччи сытар. Манна саҥа титиик, үлэһиттэр олороллоругар саха балаҕаннара тутуллубуттара. Ол эрэн эмиэ уот суоҕуттан үлэҕэ киирбэккэ турбуттара.
Александр Атласов бу үөрүүлээх түгэн улахан социальнай өттүнэн эрэ буолбакка, норуоппут сүөһүтүн үөрэтиигэ, чинчийиигэ уонна тэнитиигэ улахан суолталаах диэн эттэ. Инникитин манна тыа хаһаайыстыбатын научнай, чинчийэр институтун үлэһиттэрэ тахсан үлэлиэхтэрэ-хамсыахтара. Быйыл институт Россия граныгар саха ынаҕынан кыттан улахан грант ылан турар. Грант үбүгэр-харчытыгар аныгы оборудованиелары ылан, саха ынаҕын саҥа таһымҥа чинчийиэхтэрэ диэн санаатын үллэһиннэ.
Научнай кииҥҥэ уот ситимин тардыы үлэтин ыыппыт бэдэрээччик «Киинстрой» хааччахтаммыт эппиэтинэстээх тэрилтэ, генеральнай дириэктэрэ Анатолий Абрамов.
Тураҥнаах сайылыгар уот ситимин тарпыт бэдэрээччик «Энеко инжиниринг» ХЭТ генеральнай дириэктэр Евгений Дагаяров буолар.
Ил Түмэн пресс-сулууспата 2023-11-12 04:45:11 Всего просмотров: 51 Поделиться: 
Ссылки по ключевым словам:
2023-11-20 06:53:40 - Александр Подголов провел заседание постоянного комитета по делам военнослужащих 2023-11-14 11:38:22 - Александр Жирков: Достойное представление 2023-11-13 07:02:52 - Александр Подголов провел в Промышленном округе прием граждан по личным вопросам 2023-11-12 04:45:11 - Александр Атласов: Саха ынаҕын иитии, чинчийии үлэтэ саҥа таһымҥа тахсыаҕа 2023-11-10 06:51:35 - Александр Корякин встретился с участником СВО 2023-11-02 05:34:58 - Александр Атласов принял участие в региональном совещании по устойчивому развитию племенного животноводства ДФО 2023-10-31 07:56:56 - Алена Атласова провела личный прием граждан 2023-10-28 09:32:47 - Меры господдержки ЛПХ и вопрос о ремонте дамбы обсудили на личном приеме народного депутата Александра Атласова 2023-10-17 06:39:31 - Алёна Атласова внесла предложения в Госдуму, направленные на повышение комфорта жизни людей с инвалидностью 2023-10-08 08:20:33 - Поздравление Александра Атласова с Днём работника сельского хозяйства и перерабатывающей промышленности |
