В парламенте
Алексей Еремеев төрөөбүт тыл уонна сурук-бичик күнүнэн эҕэрдэтэ
 Күндү Саха Өрөспүүбүлүкэтин олохтоохторо! Эһигини Саха Өрөспүүбүлүкэтин Ил Түмэнин уонна тус бэйэм ааппыттан Төрөөбүт тыл уонна сурук-бичик күнүнэн эҕэрдэлиибин!
Бу бэлиэ күн сахалартан бастакы тыл үөрэхтээх учуонай, уһулуччулаах сырдатааччы, саха суругун-бичигин төрүттээччи Семен Андреевич Новгородов төрөөбүт күнүгэр сөп түбэһиннэриллэн Саха Өрөспүүбүлүкэтин бастакы Президенин Ыйааҕынан олохтоммута.
Төрөөбүт тыл уонна сурук-бичик күнэ – ийэ тыл олохпутугар суолтатын туһунан толкуйдуурга, анаарарга, итиэннэ тылы хараанныырга, чөл хааларын, сайдарын туһугар үлэни торумнуурга, тобуларга тоҕоостоох түгэн. Төрөөбүт тыл бүгүҥҥү туругар кыһамньыгытын ууран ийэ тылы үөрэтиҥ, сайа кэпсэтиҥ, кинигэтэ ааҕыҥ, талааннаах суруйааччылары, айар-тутар дьоҕурдаах дьону өйөөҥ.
Ийэ тыл – омук үйэлэр тухары мунньуммут барҕа баайа, кини тыыннаах буолуутун, чэчирии сайдыытын мэктиэтэ, туоһута. Төрүт тыл киһи өйө-санаата туругурарыгар, үйэлээҕи айар-тутар дьоҕура тобулларыгар, барҕара сайдарыгар сүрүн тирэх буолар. Ол да иһин кэнчээри ыччакка төрөөбүт тыл кэрэтин, баайын тиэрдии хас биирдиибит соруга. Тыл сүрэ, тыл күүһэ муҥура суох кыаҕы биэрэр, норуоттары биир сомоҕо түмэр, үүнүүнү-сайдыыны түстүүр, үтүөҕэ-кэрэҕэ кынаттыыр сүдү суолталаах.
Дойдуга бэриниилээх таптал, култууранан, историянан киэн туттуу, ытыктабыл төрүт дорҕооҥҥо иһиллэ, ийэ тылынан сурулла туруохтун. Төрөөбүт тыл уонна сурук-бичик күнүнэн!
Саха Өрөспүүбүлүкэтин Ил Түмэнин Бэрэссэдээтэлэ А.И. Еремеев
2025-02-13 05:39:44 Всего просмотров: 448 Поделиться: 
Ссылки по ключевым словам:
2026-05-27 11:53:05 - Антон Алексеенко рассказал о ходе капремонта улицы 50 лет Советской Армии в Якутске 2026-05-09 04:21:23 - Поздравление Председателя Ил Тумэн Алексея Еремеева с Днем Победы 2026-05-01 14:33:50 - Поздравление Алексея Еремеева с Днем Весны и Труда! 2026-04-30 10:19:13 - Александр Атласов обсудил в Москве вопрос о инициировании внесения изменений в Правила противопожарного режима в РФ 2026-04-27 08:27:10 - Поздравление Алексея Еремеева с Днем Республики и Днем российского парламентаризма 2026-04-17 15:23:13 - Оживление замерзшей пациентки привлекло внимание к методу профессора Алексеева 2026-03-31 18:12:33 - Алексей Еремеев: Закон должен отражать саму природу традиционного уклада жизни коренных малочисленных народов Якутии 2026-03-26 06:29:54 - Полномочия депутата Ил Тумэна Александра Иванова* прекращены досрочно в связи с приобретением статуса иностранного агента 2026-03-08 11:02:59 - Поздравление Алексея Еремеева c Международным Женским днем 2026-02-25 13:37:15 - Парламент Якутии выразил несогласие с публичными высказываниями депутата Александра Иванова
|
