В парламенте
Поздравление Председателя Государственного Собрания (Ил Тумэн) РС(Я) Алексея Еремеева с Днем Республики
 Күндү Саха сирин олохтоохторо! Саха Өрөспүүбүлүкэтин Ил Түмэнин аатыттан Өрөспүүбүлүкэ күнүнэн истиҥник эҕэрдэлиибин!
Бар дьон дьүүллэһиитин кэнниттэн 1992 сыл муус устар 4 күнүгэр Саха Өрөспүүбүлүкэтин Үрдүкү Сэбиэтин уон биирис уочарата суох сессиятыгар саҥа Саха Өрөспүүбүлүкэтин Төрүт сокуона ылыныллыбыта уонна 1992 сыл муус устар 27 күнүгэр күүһүгэр киирбитэ.
«Саха Өрөспүүбүлүкэтин Төрүт сокуона күүһүгэр киириитин бэрээдэгин туһунан» Саха Өрөспүүбүлүкэтин Сокуонунан муус устар 27 күнэ Өрөспүүбүлүкэ күнүнэн биллэриллибитэ. Онон биһиги бүгүн Өрөспүүбүлүкэ күнүн 33-с төгүлүн көрсөбүт.
Бу үөрүүлээх күҥҥэ саха норуотун чулуу уолаттарын – Максим Аммосовы, Платон Ойуунускайы, Исидор Бараховы, Степан Аржакову, Степан Васильевы уонна да атын үтүөкэннээх дьону махтана ахтабыт. Ытык дьоммут хорсун санаалара XX үйэ саҥатыгар Саха сирэ олох-дьаһах, экэниэмикэ, култуура өттүнэн дьоһун суолталаах улахан уларыйыыларыгар олук буолбуттара. Өрөспүүбүлүкэ элбэх омуктаах норуота бэйэтин ураты култууратын, төрүт үгэһин, сиэрин-туомун үгүс үйэлэри уҥуордаан чөл илдьэ кэлэри ситиспитэ.
Билиҥҥи кэмҥэ өрөспүүбүлүкэбит федеральнай уонна региональнай бырайыактарга сөп түбэһэн бигэтик сайдар. Саха сиригэр көмүс, чох, гаас, урууда хостуур уонна маһы таҥастыыр бырамыысыланнас көрдөрүүлэрэ үрдүүр. Олорор дьиэлэр, социальнай эбийиэктэр тэтимнээхтик тутуллаллар, тырааныспар ис тутула тэриллэр уонна саҥалыы уларытан оҥоһуллар.
Өрөспүүбүлүкэ баайа, киэн туттуута урут даҕаны, билигин даҕаны кини дьонугар-сэргэтигэр, норуот талааныгар, айымньылаах үлэтигэр, айар-тутар күүһүгэр, кыаҕар. Инникитин да оннук буолуоҕар саарбахтаммат. Ол да иһин өрөспүүбүлүкэ салалтата үөрэхтээһин, доруобуйа харыстабыла, култуура уонна успуорт сайдыытыгар улахан болҕомтотун уурар. Бары дьаһал олох хаачыстыбата үрдүүрүгэр, киһи ис кыаҕын арыйарыгар туһуланан ыытыллар.
Бүгүн, Өрөспүүбүлүкэ күнүгэр, Саха сирин дьонугар-сэргэтигэр гражданскай көхтөөх буолуугут иһин уонна дойдубут туһугар бэриниилээх, кыһамньылаах үлэҕит иһин махтанабын.
Ытыктабыллаах биир дойдулаахтарым, дьоһун бэлиэ күнүнэн өссө төгүл эҕэрдэлиибин! Бука барыгытыгар ил-эйэ эҥэрдээх, бигэ туруктаах олоҕу, дьолу, инникигэ эрэли, бары үтүөнү-кэрэни баҕарабын.
Саха Өрөспүүбүлүкэтин Ил Түмэнин Бэрэссэдээтэлэ Алексей Еремеев 2025-04-27 05:50:34 Всего просмотров: 188 Поделиться: 
Ссылки по ключевым словам:
2026-02-28 12:14:47 - XVII (очередное) пленарное заседание Государственного Собрания (Ил Тумэн) РС(Я) VII созыва, 2 часть - 25.02.2026 (с субтитрами) 2026-02-28 12:14:44 - XVII (очередное) пленарное заседание Государственного Собрания (Ил Тумэн) РС(Я) VII созыва, 1 часть - 25.02.2026 (с субтитрами) 2026-02-27 08:30:50 - Утверждены изменения в составах постоянных комитетов Ил Тумэна 2026-02-25 13:37:15 - Парламент Якутии выразил несогласие с публичными высказываниями депутата Александра Иванова
2026-02-25 12:55:29 - Прямая трансляция с сессии Ил Тумэн - 25.02.2026 (после обеда) 2026-02-25 12:55:25 - КАК В ИЛ ТУМЭНЕ РАССМОТРЕЛИ ВОПРОС ПО ДЕПУТАТУ ИВАНОВУ. Часть-3 текстовой трансляции "V Якутии.ру" с сессии Ил Тумэн - 25.02.2026 - t.me/vyakutiaru 2026-02-25 12:31:17 - ЧАСТЬ-2 ТЕКСТОВОЙ ТРАНСЛЯЦИИ "V ЯКУТИИ.РУ" С СЕССИИ ИЛ ТУМЭН - 25.02.2026 - t.me/vyakutiaru 2026-02-25 07:36:41 - ЧАСТЬ-1 ТЕКСТОВОЙ ТРАНСЛЯЦИИ "V ЯКУТИИ.РУ" С СЕССИИ ИЛ ТУМЭН - 25.02.2026 - t.me/vyakutiaru 2026-02-25 06:11:45 - Прямая трансляция с сессии Ил Тумэн - 25.02.2026 (до обеда) 2026-02-23 05:02:02 - Поздравление Василия Шимохина с Днем защитника Отечества |
