Сахалыы сыhыарыы
Бэрдьигэстээххэ оҕо библиотекатын дьиэтэ арыллыа
Сэтинньи 23 күнүгэр Горнай улууһун Бэрдьигэстээҕэр оҕо библиотекатын саҥа дьиэтин арыйыы үөрүүлээх дьоро түгэнигэр Ил Түмэн депутаттара Александр Жирков, Семен Олесов, Александр Миронов кыттыахтара.
Дьоро түгэни саха омук үгэһинэн алгысчыт аал уоту оттон, айах тутан саҕалыа. Солко лиэнтэни Горнай улууһун баһылыга Петр Алексеев, улуус культураҕа управлениетын начальнига Тамара Кесарева уонна улуустааҕы кииннэммит библиотека ситимин директора Мария Прохорова кырыйыахтара.
Ыалдьыттарга библиотека саҥа дьиэтин көрдөрүөхтэрэ. Ол кэнниттэн улуустааҕы кииннэммит библиотека ситимэ сайдыы саҥа суолугар тахсан туох-ханнык хайысханан киэҥ далааһыннаахтык хайдах үлэлээн эрэрин туһунан Саха Республикатын культуратын туйгуна, директор Мария Прохорова кэпсиэҕэ.
Эҕэрдэ тылларын улуус баһылыга Петр Алексеев, М.К. Аммосов аатынан Хотугулуу-Илиҥҥи федеральнай университет ректора Евгения Михайлова, Ил Түмэн депутата, «Алмаасэргиэнбаан» бырабылыанньатын бэрэссэдээтэлэ Александр Миронов, кэлэр көлүөнэлэп тус сыаллаах фондаларын генеральнай директора Леонид Шитик, Саха сирин Национальнай библиотекатын директора Валентина Самсонова, үөрэх министерствотын техническэй хааччыйыы киинин директора Анатолий Николаев, «Хотугу дьиэ» ХЭО генеральнай директора Яков Ефимов, Бэрдьигэстээх баһылыга Марк Парфенов этиэхтэрэ.
Дьоро киэһэни оҕо библиотекатын "Кэрэчээн" кулуубун чилиэннэрэ, "Умка" оҕо саадын иитиллээччилэрэ, уус-уран самодеятельность кыттыылаахтара бэйэлэрин талааннарынан киэргэтиэхтэрэ.
Горнай улууһугар оҕо библиотекатын салаата 1955 сыллаахха үлэтин саҕалаабыта, онтон 1956 сыллаахтан туспа оройуоннааҕы оҕо библиотеката тэриллэн, дьикти-кэрэ кинигэ алыптаах дойдутугар үгүс ааҕааччылары үктэннэрэн, өйдөрүн-санааларын сайыннаран, билиилэрин кэҥэтэн, кэрэҕэ угуйан утумнаах үлэни ыытан кэллэ. Билиҥҥи кэмҥэ олохтоох былаас көмөтө суох библиотека материальнай-техническэй базатын тупсарыы, фондатын хаҥатыы кыаллыбат. Улуус баһылыгын анал дьаһалынан оҕо библиотекатын саҥа дьиэтэ кылгас кэмҥэ тутуллан үлэҕэ киирдэ.
Ил Түмэн пресс-сулууспата.
(Кыым.ру - 22.11.10) 2010-11-23 08:50:43 Всего просмотров: 1515 Поделиться: 
Ссылки по ключевым словам:
2025-08-31 08:29:12 - Дьиҥнээх эр бэрдэ, амарах аҕа уонна сиэрдээх киһи оҕотуттан аккаастаммат. Василий Аммосов үтүө аатыгар 2025-07-22 10:28:14 - Владимир Прокопьев: Олохтоох салайыныы сокуона олоҕу кытта тэҥҥэ сайда турар 2025-06-25 05:52:55 - Алексей Еремеев: Иннокентий Бочкарев олоҕун холобура дьону патриотизмҥа угуйар 2023-06-27 09:00:13 - Александр Жирков: Төрөөбүт тылы үөрэтиигэ оскуола суолтатын атын ханнык да тэрилтэ, тэрээһин кыайан солбуйуо суоҕа 2023-01-16 04:17:46 - Александр Жирков: «Оҕо төрөөбүт тылынан иитиллэр, үөрэнэр эйгэтэ тэриллиэхтээх» 2022-05-15 03:44:44 - Ил Дархан Айсен Николаев Дьиэ кэргэн аан дойдутааҕы күнүнэн эҕэрдэлиир 2022-04-24 11:44:54 - Творческая группа "Күн оҕолоро" приглашает якутян на премьеру фильма "Силис" 2021-02-18 05:09:10 - Приглашаем на презентацию сборника «Оҕолорго» В.М. Санги 2020-09-26 10:59:52 - В селе Баяга Таттинского улуса состоялось открытие берестяной урасы «Моҕол ураhа» 2018-05-18 03:47:57 - ҮТҮӨ аата ааттана туруоҕа |
