Сахалыы сыhыарыы
Роман ПРИХОДЬКО: "ДСКаны утарбаппын эрээри..."
Ирина МАКАРОВА
Роман ПРИХОДЬКО: "ДСКаны утарбаппын эрээри..."
Хаһан эрэ Дьокуускай олохтоохторун киэн туттуута буолбут- Күөх хонуу кумаҕынан кутуллан куорат кыбаарталларыгар кубулуйуоҕун утаран, 1980-с сылларга улахан общественнай экологическай хамсааһын тахса сылдьыбыта. Өссө оччолорго, Дьокуускай куорат 202-с түөлбэнэн муҥурдаммакка, 206-с микрорайоҥҥа диэри Өлүөнэ эбэ кытылынан ыраахха диэри кэҥиирэ былааннаммыта.
Буоларын курдук, дьон Күөх хонууну былдьатыан баҕарбат санаатын хаһыаттар иилэ хабан ылбыттара уонна бырачыаһы сүрүннээн, тэрийэн - общественнай хамсааһыҥҥа кубулуппуттара. Түмүгэр - 202-с микрорайонунан куорат территорията кэҥээн бүппүтэ. Оттон билигин хайдаҕый? 203-с, 204-с түөлбэлэр тутулуннахтарына айылҕабыт барахсан уйуо дуо?
Өлүөнэ бассейнын уутун суолун судаарыстыбаннай управлениетын үлэһиттэрэ этэллэринэн, 202-с микрорайон тутуллуоҕуттан, эбэ сүнньэ бэлиэр кэһиллибит. Онон билигин 203-с, 204-с тутуллара-тутуллубата тугу да уларытар кыаҕа суох. Оччотугар айылҕа балансын уларыппыт дьон быһыытынан, саатар кэрэни симэлиппит аньыыбытыгар киһилии тупсаҕай дьиэлэри дьэндэтиэх соруктаахпыт эбээт. Бу маннык санааны тутуһар тутуу хампаанньалара элбэхтэр. Олор быыстарыгар өр сылларга өрөспүүбүлүкэ дьиэтин-уотун көстүүтүн тупсарарга үлэлэспит, тутуу аныгы технологиятын баһылаабыт тэрилтэнэн "Строймонтаж-2002" ХЭТ буолар.
"Строймонтаж-2002" уратыта диэн, барыс туһуттан судургутук биири эргитэн аҕалан хат туппат. Хатыламмат, атын-атын архитектуралаах дьиэлэри тутарга дьлулуһар. Аны, дьиэ таһынааҕы көстүүтүгэр эрэ буолбакка ис бараанын оҥоһуутугар кытары болҕомто ууран дизайнын бэйэтэ толкуйдуур. Холобур, "Строймонтаж-2002" үлэтин Орджоникидзе уулуссатыгар турар "Сургутнефтегаз" АО, Федеральнай казначейство управлениетын дьиэлэригэр, 36-с, 143-с,53-с, 64-с кыбаарталларга элбэх квартиралаах дьиэлэргэ, онтон да атын тутууларга көрүөххэ сөп. Ону таһынан тэрилтэ Ньурбаҕа, Алдаҥҥа, Чокурдаахха, Эдьигээҥҥэ, Өлүөхүмэҕэ, Витимҥэ, Мииринэйгэ - суолун-ииһин ыарырҕаппакка аныгы тупсаҕай дьиэлэри эмиэ тутаттыыр.
Тэрилтэ генеральнай дириэктэрэ уонна төрүттээччитэ - Роман Владимирович Приходько. Роман Владмирович тутууга боростуой каменщигынан саҕалаан баран улахан тэрилтэ салайааччытыгар диэри үүммүт киһи. Онон уопута баһаам, киһи үөрэнэрэ үгүс.
***
Тутааччылар хайа сатанарынан, суоллаах-иистээх, инженернэй коммуникацията бэлэм, эргэ дьиэлэринэн кыстамматах "босхо" сирдэргэ дьиэ тута сатыыллар. Оннук сир, Дьокуускайга букатын аҕыйах. Сири түүлэһэн тутуу ыытар быраабы ылар аукциоҥҥа улахан киирсии буолар. Аукцион куруук чиэһинэйдик барар этэ диэтэххэ, итэҕэйэр киһи ахсааннаах буолуоҕа. Ол туһунан Аартык.ру хаста да суруйан турар. Онон төннө барбаппыт.
Арай биири бэлиэтиэҕи баҕарыллар: ырыынак үйэтигэр конкуренция баар буолуохтаах, ол өйдөнөр. Ол гынан баран, "конкуренция" тэрилтэ баараҕайыгар эрэ буолбакка, үлэтэ хаачыстыбатыгар уонна тупсаҕайыгар эмиэ тирэҕириэхтээх. Кэм-бириэмэ биир сиргэ турбат, иннин диэки атара сиэлэн иһэр. Тутуу эйгэтэ эмиэ күн-түүн сайдар. Онон куораппыт "сирэйигэр" хайаан да аныгы технология, кэм-бириэмэ ирдэбилэ көстүөхтээх.
- 203-с микрорайон аныгы дьиэлэринэн тутуллуохтаах, - диэн Роман Владимирович этэр. - Мин "ДСК туппатын, итиннэ үлэлэспэтин" диэн букатын этэр санаам суох. ДСК, биллэн турар улахан, баараҕай тэрилтэ. Кини бөдөҥ панелынан тутарын таһынан, монолитнай-каркаснай тутууну эмиэ баһылаабыт тэрилтэ. Аныгы технологиялаах, онтун элбэхтик олоххо киллэриэн наада... Итиччэ кыраһыабай көстүүлээх кытылы 70-80-с сыллаах технологиянан тутуллар хоруопкаларынан сыбаан кэбиһэр табыллыбат. Чэ, 112-с сериялаах дьиэ баар буоллун даҕаны, ол гынан баран, ханан эмэ кытыытынан уонна аҕыйах буолуон наада. 203-с түөлбэ уопсай көстүүтэ - аныгы архитектуралаах, кыраһыабай буолуохтаах. Онто да суох, киһи барыта Дьокуускай национальнай өрөспүүбүлүкэ киин куората буоларын туоһулуур тутуу суох диэн этэр. Ону бары бэйэбит да, ыалдьыттарбыт да бэркэ билэ сылдьабыт. Онон саатар өрүс кытылын киэн туттар гына кыраһыабайдык, аныгы технологиянан тутуохтаахпыт дии саныыбын.
http://aartyk.ru/sobitiya/item/1377-roman-prihodko-dskany-utarbappyn-ereeri
2012-07-17 23:25:52 Всего просмотров: 2205 Поделиться: 
Ссылки по ключевым словам:
2012-08-16 20:12:52 - Дьон үчүгэйгэ талаһар эрээри... 2012-07-17 23:25:52 - Роман ПРИХОДЬКО: "ДСКаны утарбаппын эрээри..." |
