Сахалыы сыhыарыы
Куорат Думатын депутатыгар кандидаты таларга Айаал БУРЦЕВ кыайтарда
Дьокуускай куорат Думатыгар депутакка кандидаты талар праймериз бастакы күнэ бүттэ. Санатар эбит буоллахха, праймериһи "ньыгыллар" ыыталлар, атын партиялар, биирдиилээн дьон бу тэрээһиҥҥэ кыттыбаттар.
Барыллаан түмүк быһыытынан, Лермонтовскай уокурукка "ЕР" партия испииһэгэр бастакы миэстэни Андрей БЕССОНОВ ылбыт. Иккиһи - Айаал БУРЦЕВ.
Хара маҥнайгыттан кытаанах киирсии икки киһи икки ардыгар барыахтаах диэн этиллэрэ. Ол - Айаал БУРЦЕВ ("Пионер" маҕаһыын хаһаайына, билиҥҥи Дума депутата) уонна Андрей БЕССОНОВ (Лермонтовскайдааҕы ньыгыллар ячейкаларын сэкиритээрэ, "Камелек" ресторан хаһаайына).
Уоннааҕы икки киһи - В.ЛОПАТЮК (устудьуон) уонна Андрей КОПЫЛОВ ("Рационал" ХЭТ, филиал дириэктэрэ) 3-с, 4-с миэстэни үллэстиэхтээхтэрэ.
***
Ресторатор Андрей БЕССОНОВ аата политикаҕа саҥа аат. "Ил Түмэни президент Егор БОРИСОВ таҥар, оттон Думаны мээр Айсен НИКОЛАЕВ таҥар" диэн илии охсуһуу барбыт эбит буоллаҕына, БЕССОНОВ Думаҕа киирэр аанын Айсен НИКОЛАЕВ аста.
Рестораторы бастаан Лермонтовскайдааҕы "ньыгыллар" ячейкэлэрин сэкиритээрэ оҥороллор. Онтон, кырдьык кэпсээн буоллаҕына, БЕССОНОВКА анаан үс уокуругу сыымайдаан баран Лермонтовскайы биэрэллэр.
Билигин испииһэккэ праймериз ыытан бастаттылар. Оттон депутат мандатыгар испииһэккэ бастакы эрэ турар киһи тиксэр кыахтаах. Онон билигин праймеризкэ бастаабыт киһи быһыытынан Андрей БЕССОНОВ Дума депутатын мандатын ылбыт саҕа сананнаҕа.
Айаал БУРЦЕВЫ Думаттан туоратарга, бастаан, кини билигин Думаҕа талыллан олорор Курашовскай уокуругун түөрт аҥыы арааран суох оҥороллор. Онтон быйыл, муус устар 8 күнүгэр, "Специализированное монтажное эксплуатационное предприятие" ("СМЭП") муниципальнай унитарнай тэрилтэ дириэктэринэн аныыллар. Бу күн бэҕэһээ "көмүс илии тутуһуу" оҥорон мээр "Дьокуускай куорат иннигэр өҥөтүн иһин" бэлиэни туттарбыта.
Киһини былаастан, дуоһунастан туоратыах иннинэ Бочуоттаах грамота, уордьан, мэтээл, бэлиэ туттарар, аат иҥэрэр үгэс инньэ Сэбиэскэй кэм саҕаттан баар үгэс.
Биир өттүнэн, Айаал БУРЦЕВЫ таах халтай отоойкоҕо олордубатылар, син ханнык эмэ дуоһунас бэрилиннэ уонна бочуоттаах бэлиэ туттарылынна.
***
"Ньыгыллар" саҥа киһилэрэ - Андрей БЕССОНОВТАРА төһө-хачча кыахтааҕын кэм көрдөрөн иһиэҕэ.
Оттон сарсын биир интрига буолан Сайсары 2№ -дээх уокуругар биир мандааттаах уокурукка Ил Түмэн депутатын кандидатыгар турарга Юрий МАЛТУГУЕВ (Дьокуускай Думатын айдааннаах депутата) уонна Александр ИВАНОВ (олимпийскай призер) киирсэллэр.
"Ньыгыллар" салалталара Александр ИВАНОВ туһатыгар кыһалла сылдьаллара биллэр. Спортсмен ИВАНОВ туһатыгар мээр Айсен НИКОЛАЕВ тэрийбит "Наша столица" общественнай тэрилтэтэ тирэх буола сылдьар.
Атын айдааннаах депутаттар А.ГУСЕВ (Акварель), А.БЕЖАНЯН (предприниматель) "ньыгыллартан" турбакка эрэ бэйэлэрэ тутулуга суох кандидат быһыытынан аны күһүҥҥү быыбарга бэлэмнэнэр сурахтаахтар.
***
Аартык.ру - 27 апреля 2013 года:
http://aartyk.ru/obshestvo/item/2929-kuorat-dumatyn-deputatygar-kandidaty-talarga-ayaal-burtsev-kyaytarda 2013-04-29 17:12:50 Всего просмотров: 2675 Поделиться: 
Ссылки по ключевым словам:
2026-07-29 12:58:58 - В Якутии завершилась регистрация кандидатов в депутаты Госдумы 2026-07-28 13:12:32 - Центризбирком Якутии зарегистрировал восьмого кандидата на выборы в депутаты Госдумы РФ 2026-07-28 05:38:47 - Еще троих кандидатов зарегистрировал Центризбирком Якутии на выборы депутатов Госдумы РФ 2026-04-29 08:27:45 - Кандидатура Константина Роббека внесена в Ил Тумэн 2026-03-12 23:32:27 - Меньше думать о Telegram: Почему история популярного сервиса близится к концу 2025-08-18 18:47:56 - ПАРТИЙНАЯ МАХИНАЦИЯ ОТ СУДИМОГО КАНДИДАТА? В Усть-Алданском улусе "Единая Россия" поддерживает своего бывшего члена Алексеева 2025-08-11 14:03:05 - Все кандидаты зарегистрированы на выборы глав районов Якутии 2025-06-21 11:33:46 - Күндү биир дойдулаахтарым, ытыктабыллаах Дьокуускай куорат олохтоохторо, ыраахтан-чугастан ыҥырыллан кэлбит ытык-мааны ыалдьыттар! 2025-06-19 06:56:32 - НАДЕЖДА В ОЛЕНЬКЕ: НАДЕЖДЫ НА КАНДИДАТА НЕТ? 2024-06-08 06:37:52 - НАЧАЛОСЬ ВЫДВИЖЕНИЕ КАНДИДАТОВ В ДЕПУТАТЫ ИЛ ТУМЭН ПО КОЛЫМО-ИНДИГИРСКОМУ ОКРУГУ |
