В парламенте
Алексей Еремеев Нам улууһун 2022 сыллааҕы түмүгүн таһаарыытыгар кытынна
 Тохсунньу 20 күнүгэр Саха Өрөспүүбүлүкэтин Ил Түмэнин Бэрэссэдээтэлэ Алексей Еремеев Нам улууһун 2022 сыллааҕы түмүгүн таһаарыытыгар кыттыыны ылла. Тэрээһин Нам сэлиэнньэтигэр М.К. Аммосов аатынан култуура уонна духуобунай сайдыы дыбарыаһыгар ааста.
Нам улууһун баһылыга Юрий Слепцов 2022 сылга 11 нэһилиэнньэлээх пууҥҥа халаан кэлбитигэр, түмсүүлээх үлэ түмүгэр уу этэҥҥэ ааспытын бэлиэтээтэ.
Улуус баһылыга анал байыаннай операцияҕа Нам улууһуттан барбыт уолаттар дойдуларыгар, дьиэлэригэр, кэргэттэригэр этэҥҥэ эргиллэн кэлэллэригэр баҕа санаатын эттэ.
Юрий Иннокентьевич улууска үөрэх хаачыстыбата 2021 сылга 49% эбит буоллаҕына, 2022 сылга 53%-ҥа тиийэ үрдээбитин эттэ. Ол курдук, Н.С. Охлопков аатынан Нам улууһунааҕы гимназия базатыгар оҕолору куонкурус көмөтүнэн талан үөрэтэр кылаас аһылынна. Аны туран, урут английскай тыл оскуолаларга 4 кылаастан үөрэтиллэр буоллаҕына, 2022 сылтан бастакы кылаастан үөрэтэр буоллулар. Ону сэргэ Нам сэлиэнньэтин «Сулусчаан» дьыссаатыгар кытай тылын оҕолорго үөрэтии саҕаланна.
Баһылык Нам улууһун хамаандата Саха Өрөспүүбүлүкэтин норуоттарын VIII спортивнай оонньууларыгар 3-с миэстэ буолбутун улахан ситиһии быһыытынан бэлиэтээтэ.
Саха Өрөспүүбүлүкэтин Ил Түмэнин Бэрэссэдээтэлэ Алексей Еремеев Нам улууһун экэниэмикэтин сүрүн салаата тыа хаһаайыстыбата буоларын бэлиэтээн туран, былырыын баһаардар, халааннар буолбуттарын үрдүнэн нэһилиэктэр баһылыктара уонна биирдиилээн хаһаайыстыбалар салайааччылара от былаанын толорбуттарын тоһоҕолоон эттэ.
Ил Түмэн Бэрэссэдээтэлэ бэлиэтээбитинэн, 2022 сылга сылгы бөҕөтө охтубутун үрдүнэн, Нам улууһун хаһаайыстыбалара син өрүтүнэн, сөптөөх былааны ылынан, атын улуустартан эбии убаһаны аҕалан, сылгыны элбэтиигэ үлэни саҕалаабыттара.
Алексей Ильич улууска үүнээйи үүннэриитэ үчүгэй көрдөрүүлээҕин ордук тоһоҕолоото. «”Куораты аһатар улуус” ааттатар гына үлэлиирбитигэр-хамсыырбытыгар ыҥырабын. Тыа хаһаайыстыбатын өрө тардыннахпытына, тирэхтээх буолуохпут», – диэтэ Ил Түмэн испиикэрэ.
Саха Өрөспүүбүлүкэтин Ил Түмэнин Бэрэссэдээтэлэ 2023 сылга анал байыаннай операция тохтоон, дойдубут итиннэ кыайыылаах тахсарыгар эрэллээҕин биллэрдэ уонна ыччаттарбыт этэҥҥэ эргиллэн кэлэллэригэр баҕа санаатын эттэ.
«Ааспыт сылга Максим Аммосов 125 сылын сүрдээх тэрээһиннээхтик, өрө көтөҕүллүүлээхтик улуус киинигэр, Хатырыкка уонна Дьокуускайга бэлиэтээбиппит. “Триумф” спортивнай кииҥҥэ тыл этэ турдахпына, дьонум-сэргэм баалларыттан киһи хараҕа астынар этэ. Юрий Иннокентьевичка, салайааччыларга маннык тэрээһиннэри тэрийэн улууспутун ааттата сылдьалларыгар махтанабын», – диэтэ Алексей Еремеев.
Ити кэннэ Алексей Ильич баһылыктарга наҕараадалары туттарда. Ол курдук, Саха Өрөспүүбүлүкэтин социальнай-экономическай сайдыытыгар киллэрбит кылаатын иһин «Хатырык нэһилиэгэ» муниципальнай тэриллии баһылыгын Юрий Дьяконовы Саха Өрөспүүбүлүкэтин Ил Түмэнин бочуоттаах грамотатынан наҕараадалаата. Саха Өрөспүүбүлүкэтин социальнай-экономическай сайдыытыгар киллэрбит кылааттарын иһин «Көбөкөн нэһилиэгэ» муниципальнай тэриллии баһылыгар Гаврил Гоголевка уонна «Хомустаах бастакы нэһилиэгэ» муниципальнай тэриллии баһылыгар Василий Жирковка Саха Өрөспүүбүлүкэтин Ил Түмэнин Бэрэссэдээтэлин махталын биллэрдэ. Итиэннэ «Нам улууһа» муниципальнай тэриллии баһылыгар Юрий Слепцовка эҕэрдэ суругу, Иннокентий Корякин хартыынатын уонна өрөспүүбүлүкэ 100 сылыгар анаммыт үбүлүөйдээх чаһыны, ону кытта Нам улууһун нэһилиэктэрин хас биирдии баһылыгар үбүлүөйдээх чаһылары уонна сэмэй бэлэхтэри туттарда.
Ил Түмэн пресс-сулууспата
2023-01-21 14:02:47 Всего просмотров: 182 Поделиться: 
Ссылки по ключевым словам:
2025-05-09 04:55:21 - Поздравление Председателя Государственного Собрания (Ил Тумэн) Республики Саха (Якутия) Алексея Еремеева с Днем Победы 2025-05-04 11:05:53 - В Хангаласском районе Якутии перезахоронили останки солдата Ильи Алексеева
2025-05-01 04:25:47 - Поздравление Алексея Еремеева с Праздником Весны и Труда 2025-04-29 05:43:24 - Бульдозерист «Полюс Алдана» Алексей Макавчик –
лауреат премии Главы Республики «Человек труда»! 2025-04-28 14:26:57 - Алексей Еремеев: нужно снизить налоговую нагрузку на ювелирный рынок 2025-04-28 14:25:29 - Алексей Еремеев: нужно снизить налоговую нагрузку на ювелирный рынок - Парламентская газета
2025-04-27 05:50:34 - Поздравление Председателя Государственного Собрания (Ил Тумэн) РС(Я) Алексея Еремеева с Днем Республики 2025-04-09 01:40:01 - В Перинатальном центре Якутска отметили День беременных 2025-04-08 02:08:41 - Ил Түмэн дьокутааттара Нам улууһун дэлэгээссийэтин көрүстүлэр 2025-04-01 12:40:52 - Александр Жирков: Саха уустара омук төрүт үгэстэрин, идэлэрин сөргүтүүгэ, төрөөбүт тылбытын харыстыырга үлэлииллэр |
