В парламенте
Александр Жирков Москваҕа госпитальга сытар байыастары көрүстэ
 Саха Өрөспүүбүлүкэтин Ил Түмэнин бастакы вице-спикерэ Александр Жирков тохсунньу 23 күнүгэр академик Н.Н. Бурденко аатынан байыаннай госпитальга Саха сириттэн Украинаҕа тиийэн анал байыаннай дьайыы кэмигэр бааһырыы ылан эмтэнэ сытар буойуттары көрүстэ.
Александр Николаевич бастаан госпиталь салалтатын көрсөн манна сытар дьон эмтэнэр усулуобуйаларын, Саха сириттэн төһө буойун эмтэнэн тахсыбытын, кинилэргэ туох-ханнык көмө оҥоһуллубутун туһунан кэпсэттэ. Байыаннай госпиталь салайааччытын эбээһинэһин толорооччу Александр Б. Саха сириттэн сылдьар буойуттарга өрөспүүбүлүкэ салалтата уонна биир дойдулаахтара улахан болҕомто ууралларын, өрүү кэлэн көрсөллөрүн, араас хайысхаларынан көмө оҥороллорун анаан бэлиэтээтэ.
Ил Түмэн бастакы вице-спикерэ Саха сирин олохтоохторун ааттарыттан эмтиир быраастарга уонна госпиталь кэлэктиибигэр үрдүк таһымнаах уонна бэриниилээх үлэлэрин иһин махталын тириэртэ. Госпитальга үчүгэйдик эмтэнэргэ кыах баарын көрдүм уонна чуолаан бу бааһырбыт байыастары көрө-истэ ыраах Саха сириттэн кэлбит аймахтарыгар сөптөөх усулуобуйа тэрийбиккит диэн бэлиэтээтэ.
Академик Н.Н. Бурденко аатынан госпитальга билиҥҥи кэмҥэ Дьокуускай, Нерюнгри куораттартан уонна Өлүөхүмэ улууһуттан сылдьар буойуттар эмтэнэллэр. Кинилэри кытта буолбут истиҥ кэпсэтиигэ буойуттар дойдубутун аҕынныбыт диэн кистээбэккэ кэпсээтилэр уонна дойдуларыттан кэһии тутан үөрдүлэр-көттүлэр.
Александр Жирков байыастарга туһаайан: “Үчүгэйдик эмтэнэн, үтүөрэн дойдугутугар түргэнник эргиллин”, - диэн алгыс тылларын эттэ.
Саха Өрөспүүбүлэкэтин Ил Тумэнин пресс-сулууспата 2023-01-24 15:19:17 Всего просмотров: 282 Поделиться: 
Ссылки по ключевым словам:
2025-04-08 02:08:41 - Ил Түмэн дьокутааттара Нам улууһун дэлэгээссийэтин көрүстүлэр 2025-04-01 12:40:52 - Александр Жирков: Саха уустара омук төрүт үгэстэрин, идэлэрин сөргүтүүгэ, төрөөбүт тылбытын харыстыырга үлэлииллэр 2025-02-07 11:34:58 - Александр Атласов провел прием граждан по личным вопросам 2025-02-06 07:34:36 - Александр Жирков принял участие в выездном совещании по подготовке к Ысыаху Олонхо в г. Нерюнгри 2025-02-02 12:07:34 - Александр Атласов принял участие в итоговом заседании Управления ветеринарии республики за 2024 год 2025-01-23 01:28:18 - Главный врач Центра СПИД Александра Золотарева подписала соглашение с региональным отделением Общероссийского общественно-государственного движения детей и молодежи «Движение Первых» 2025-01-13 01:27:08 - Победителями экстремального марафона «Полюс холода - Оймякон» стали Александр Моедо и Леонид Зыков 2024-12-31 07:36:04 - Поздравление с Новым годом министра сельского хозяйства Якутии Артема Александрова 2024-12-27 08:06:48 - Александр Атласов провёл семинар по вопросу реализации закона о наделении органов МСУ отдельными госполномочиями 2024-10-10 19:34:10 - Александр Кошуков: "Собаки не должны быть хозяевами городов!" |
