В парламенте
Алексей Еремеев: Иннокентий Бочкарев олоҕун холобура дьону патриотизмҥа угуйар
 Саха сирин бочуоттаах тутааччыта уонна СӨ норуодунай хаһаайыстыбатын үтүөлээх үлэһитэ Иннокентий Васильевич Бочкарев үбүлүөйүгэр анаммыт тэрээһин чэрчитинэн Ил Түмэн Бэрэссэдээтэлэ Алексей Еремеев эҕэрдэ тылын эттэ уонна саҥа кинигэлэрин билистэ.
Алексей Еремеев бэйэтин этиитигэр Иннокентий Васильевич өрөспүүбүлүкэҕэ тыа сирин сайдыытыгар, үөрэхтээһин систиэмэтигэр уонна патриотическай иитиигэ сүдү кылаатын бэлиэтээтэ. Иннокентий Бочкарев бэйэтин холобурунан санаатын күүһүн, дьыалаҕа бэриниилээх буолуутун, төрөөбүт дойдутугар тапталын көрдөрбүт киһи буоларын тоһоҕолоото. «Бэйэм ааппыттан уонна Ил Түмэн аатыттан эйигин 75 сааскынан эҕэрдэлиибин! Эн олоҕуҥ суола – норуокка өҥөлөөһүн, патриотизм уонна айар үлэ идиэйэлэрин олоххо киллэрии холобурунан буолар», — диэтэ кини.
Иннокентий Бочкарев үтүөлэрин туһунан этэригэр, Алексей Еремеев кини тыа хаһаайыстыбатын модернизациялааһыҥҥа, үтүө дьыала хамсааһынын тэрийиигэ уонна улахан социальнай бырайыактары олоххо киллэриигэ оруолун бэлиэтээтэ. «Эн тыһыынчаттан тахса социальнай эбийиэги тутууну көҕүлээбитиҥ, дьону үтүө дьыалаҕа, патриотизмҥа угуйбутуҥ. Эн үлэҥ өрөспүүбүлүкэбит устуоруйатыгар сырдык суолу хаалларда», — диэн тоһоҕолоон бэлиэтээтэ.
Ил Түмэн Бэрэссэдээтэлэ улуус инники сайдыытыгар Иннокентий Васильевич олохтообут үгэстэрэ, идиэйэлэрэ салҕаналларыгар эрэнэрин эттэ. «Эн холобуруҥ саҥа көлүөнэлэри Ийэ дойдуга көмө буоларга угуйар, норуот сомоҕолоһуутун бөҕөргөтөр», — диэн эбэн эттэ.
Ил Түмэн пресс-сулууспата 2025-06-25 05:52:55 Всего просмотров: 213 Поделиться: 
Ссылки по ключевым словам:
2025-11-19 22:24:56 - ПОЛНОЕ ВЫСТУПЛЕНИЕ И.O. МИНИСТРА ФИНАНСОВ ИВАНА АЛЕКСЕЕВА В ЭКСПЕРТНОМ КЛУБЕ 2025-11-18 08:51:18 - Алексей Еремеев провел личный прием граждан 2025-11-04 07:28:26 - Поздравление Алексея Еремеева с Днем народного единства 2025-10-30 05:00:30 - Алексей Еремеев выехал в заречные улусы для обсуждения закона о местном самоуправлении 2025-10-24 01:38:50 - Алексей Еремеев подвел итоги XIV пленарного заседания Ил Тумэна 2025-10-23 02:03:40 - Алексей Еремеев прокомментировал принятые изменения в Конституцию РС (Я) 2025-10-21 06:54:09 - Ил Түмэн бэрэссэдээтэлэ Алексей Еремеев «Талбан» биэриигэ Төрүт Сокуоҥҥа киирэр уларытыылары быһаарда 2025-10-16 12:36:19 - Александр Михайлов и «Ёшкин кот» 2025-09-29 05:54:01 - «ПОЛИТИЧЕСКАЯ ВОЙНА» В АНАБАРСКОМ УЛУСЕ? Первый замглавы района Алексеев устроил травлю против нового главы улуса Платонова, хотя сам может стать фигурантом уголовного дела
2025-09-18 08:45:33 - Алексей Еремеев выступит с предложением включить Якутию в программу «1 миллион за третьего ребенка» |
