Сахалыы сыhыарыы
«Ваучер» Федоров үлэһиттэрин 50%-нын сарбыйда. Үтэһэ туолбата тоҕо сүрэй?!
 Саха сирин олохтоохторун ваучерын буор-босхо, көҥүл айбардаабыт «Сахаинвест» салайааччыта Александр ФЕДОРОВ, хара рейдерство ньыматын туһанан аар-саарга аатырбыт, кырдьаҕас тэрилтэни «Золото Якутии» хампаанньаны Тарас Гаврильевич ДЕСЯТКИНТАН көрдөрбүтүнэн туура тутан былдьаан ылбыта.
Бу сиэрэ суох быһылаан өрөспүүбүлүкэ үрдүкү салалтатыттан туох хомуруйуута, суута-сокуона суох ааһан хаалбыта. Туһугар дьикти.
«Ваучер» Федоров «Золото Якутии» тэрилтэни былдьыан иннинэ, «Туймаада Даймонд» алмааһы кырыылыыр хампаанньаҕа саантыы сылдьыбытын, хата, судаарыстыбаннай аҥаардаах бас билиилээх буолан мүлчү туттарбыта.
Бу киһибит «Золото Якутии» хампаанньаны ылаатын кытары тэрилтэ үлэтэ биллэ эмсэҕэлээн барбыта. «Ваучер» Федоров – сиэмэх эргиэмсик. Тэрилтэ бөҕөтүн атыылаһа-атыылаһа биири да сайыннарбыта. Барыларын моҥкурууттатан, бытарытан атыылаан ас таһаарынна.
Оннук майгылаах киһи өрөспүүбүлүкэ тутаах кыһыл көмүс оҥоһугунан дьарыктанар хампаанньаны «атыыласпытыгар» киһи эрэ барыта «өнүппэт буолла, сиир эбит» диэн дьааххаммыттара туолла.
Саҥа дьыл бырааһынньыга саҕаланара аҕыйах хонук хаалбытын кэннэ штатын 50%-нын ылан сарбыйан кэбистэ. Аҥардас «Золото Якутии» собуотугар 200 киһи үлэлиир. Бу дьонтон 100-э аан модьоҕотун нөҥүө өттүгэр тэбилиннилэр. Биэс да, үс да оҕолоох буол – туох да аахсыллыбата.
Аны, «сокуон уларыйда» диэн ааттаан, сарбыйыыга түбэспит дьон икки эрэ ыйдааҕы компенсациянан «хааччыллаҕыт» диэн модьуйбут. Үптээх-астаах дьон кыра-хара дьон олоҕун аҥардастыы айбардыы, сокуону талбытынан «уларыта-тэлэритэ» сылдьалларын чаҕылхай туоһута бу буоллаҕа.
Социалистическай үлэ геройа Тарас Десяткин 50 сылы быһа бүөбэйдээн, Саха сирин туһа диэн үлэлэтэн-хамсатан кэлбит тэрилтэтин «Ваучер» Федоров тыынын иһиллээтэ.
Манна собуот дириэктэрэ Леонид Николаев «күүс-көмө» буолбутун өҥөтүгэр Сэргэлээххэ 4,5 мөлүйүөҥҥэ коттедж атыылаһан лах гына олорбута. Л.Николаев сүүлүктээһинэ биллибитин кэннэ Тарас Десяткин собуот дириэктэрин дуоһунаһыттан устан кэбиспитэ.
Ол ону А.Федоров төттөрү ылан билиҥҥээҥҥэ диэри сиэһэр бэлэс оҥосто сылдьар. Маннык сиэрэ суох быһыыны ханнык да судаарыстыбаннай уорган хонтуруоллаабата сүрдээх. Суобаһа суох дьон, киһи бодотун сүтэрбит сүүлүктэр үтэһэлэрэ хаһан туолар?!
(Кыым.ру - 28.12.10) 2010-12-28 23:08:59 Всего просмотров: 2075 Поделиться: 
Ссылки по ключевым словам:
2025-11-27 06:53:35 - АЛРОСА присвоила алмазу имя основоположника высшего юридического образования в Якутии Михаила Федорова 2025-11-21 02:12:07 - Виктор ФЕДОРОВ сравнил бюджет Якутии с падающим самолетом... 2025-10-20 06:23:54 - ПОПРАВКИ В КОНСТИТУЦИЮ РЕСПУБЛИКИ НОСЯТ, В ОСНОВНОМ, ТЕХНИЧЕСКИЙ ХАРАКТЕР – ВИКТОР ФЕДОРОВ 2025-10-01 08:39:42 - Айсен Николаев возложил цветы к памятнику Федору Попову на его малой родине 2024-10-18 14:25:07 - Глава Якутии Айсен Николаев встретился с народным депутатом республики Виктором Федоровым 2024-10-13 06:12:57 - Тыа хаһаайыстыбатын уонна астыыр-үөллүүр салаа үлэһиттэрин күнүнэн 2024-05-15 13:52:41 - Айсен Николаев встретился с председателем Счетной палаты Якутии Аленой Федоровой 2024-01-25 08:06:18 - Валерий Федоров об итогах работы профильного комитета на заседании Общественной палаты Якутии 2023-09-11 11:08:52 - Евгений Федоров озвучил предварительные итоги единого дня голосования в Якутии 2023-07-20 14:54:11 - КОММЕНТАРИЙ ВИКТОРА ФЕДОРОВА |
