Сахалыы сыhыарыы
Бүлүү улуустарыгар үс президент быыһыгар А.Уаров «кыбылынна»
Быыбар иннинээҕи дьоҕус быыбарга – праймеризкэ Бүлүү түөрт улууһун боломуочунайдара куоластаатылар. Барыта 265 киһи «ньыгыллар» Госдуматааҕы испииһэктэригэр киириэх 53 кандидат тургуттулар.
Сүнньүнэн, бу улуус дьоно уоту, гааһы, балыыһаны, дьыссааты, суолу-ииһи туруорустулар. Кандидаттартан ити эҥээр улуустарга ханнык эмэ да буоллар сыһыаннаах дьон бу көрсүһүүгэ кытыннылар. Арай, Ил Түмэн түөрт ыҥырыылаах мунньаҕын тухары дьокутааттыыр Александр Уаров кэлбэтэх.
Ол да буоллар, парламент Бюджеккэ, үпкэ, нолуок уонна сыана политикатыгар сис кэмитиэтин бэрэссэдээтэлэ 199 куолаһы ылан бүгүн, бэл, Бастакы уонна Иккис президеннэри сабырыйталаата. Оттон куолас саамай хотуулаах чааһын – 228 (265 киһи куоластаабытыттан) Егор Борисов ылан бастаата. Бэҕэһээ бастакы миэстэҕэ мииринэйдэр уонна ленскэйдэр Вячеслав Штырову 242 (312 киһи куоластаабытыттан) куолаһы биэрэн өрө үтэн таһаарбыттара.
Сэбиэскэй кэмҥэ Ньурба райсоветын баһылаан-көһүлээн үлэлэппит, билигин ТПП (Эргиэн-промышленнай палата бэрэссэдээтэлэ) – Владимир Членов, Ньурбаттан төрүттээх Ил Түмэн дьокутаата, боксер, аан дойду чемпиона, олимпиада призера – Георгий Балакшин, общественнай тэрилтэлэртэн испииһэккэ кандидат, 3№-дээх Дьокуускайдааҕы муниципальнай балыыһа кылаабынай бырааһа, Медицинэ общественнай палататын бэрэссэдээтэлэ – Светлана Давыдова дойдуларын дьонуттан балайда куолаһы хомуйдулар. Ньурба кулубата Владимир Прокопьев 188 куолаһы ылан Михаил Ефимович эрэ кэннигэр турда. Итини сэргэ Сунтаар дойдулаах, ХИФУ ректора Евгения Михайлова бэҕэһээҥи көрдөрүүтүн (103) 108 куолаһынан тупсарда.
Хаҥалас уола Александр Ким-Кимэн балаһыанньата олус үчүгэй. Арҕаа улуустар бэҕэһээ СӨ идэлээхтэрин сойууһун федерациятын бэрэссэдээтэлигэр 86 куолаһы биэрбиттэрэ, бүгүн бу киһибит 132 куолаһы ылла. Александр Николаевич – уопуттаах политик, киниэхэ ананар да, анаммат да куоласка барытыгар тииһэн хоруйдаһан иһэринэн маладьыас. Онон экраҥҥа элбэхтик көһүннэ.
Политика «ыарахан ыйааһыннаах байыаһа» Ил Түмэн спикерэ Виталий Басыгысов эмиэ инники күөҥҥэ сылдьар. Ыйытыыларга дьоһуннаахтык, лоп-бааччы хоруйдаталаата. «Ыйааһыннаах» политиктарга сүр баттатан эбитэ дуу, сорох-сорох кандидаттар ханнык да боппуруоска кыттыспатылар. «Саханефтегаз» ААО ННГК ситэриилээх дириэктэрэ Марианна Андреева гааска эппиэттэһэ сыһыа эбитэ буолуо. «Полярные авиалинии» генеральнай дириэктэрэ Андрей Корякин даҕаны айан-сырыы сыанатыгар тус санаатын этиэ этэрэ хаалла..
Уотунан хааччыллыы, үрдүк күүрүүлээх линия хаһан киирэрин быһааран Олег Тарасов хаста да трибунаҕа тахса сырытта. «Якутскэнерго» генеральнай дириэктэрэ Саха сирин правительствотыттан уонна бэйэтин тэрилтэтин региональнай сүбэтиттэн Бүлүү сүнньүн улуустарыгар уот линиятын күүһүрдэргэ, саҥардарга 1 млрд солк. туруорсарын туһунан дьоҥҥо эттэ. Уот – тыын боппуруос, онон Олег Владимирович бэ5эһээ 43, бүгүн 60 куолаһы ылан, 103 куоластанна. Улаханнык өрө көппөт, аллараа түспэт.
Общественниктартан ыарыһах оҕолору, төрөппүттэрин өйүүр аһымал фонда салайааччыта, Общественнай палата чилиэнэ Алена Атласова сүрдээх көхтөөхтүк тыл эттэ, дьон ыйытыытыгар хардарда. «Праздник жизни» фонда дириэктэрин кыһалҕалаах дьон бэлиэтии көрдүлэр быһыылаах.
Сунтаардар, ньурбалар, бүлүүлэр, үөһээ бүлүүлэр, ол иннинэ ленскэйдэр, мииринэйдэр курдук, от ыйын 27-гэр Чурапчы сиригэр мэҥэлэр, таатталар кэлэн праймеризкэ кыттыахтара. Онно даҕаны үс президент -- Егор Борисов, Вячеслав Штыров, Михаил Николаев инники күөҥҥэ тахсаллара саарбаҕа суох. Кинилэр кэннилэриттэн кимнээх киириэхтэрин син сэрэйэ былаан хайы-сах этиэххэ сөп буолла быһыылаах.
Бүлүү улуустарыгар куолаһы ыллылар:
Борисов Егор Афанасьевич «за»- 228
Уаров Александр Сергеевич «за»- 199
Штыров Вячеслав Анатольевич «за»- 199
Николаев Михаил Ефимович «за»- 198
Прокопьев Владимир Михайлович «за»- 188
Михайлова Евгения Исаевна «за»- 183
Балакшин Георгий Русланович «за»- 174
Саввинов Александр Александрович «за»- 170
Песковская Юлия Анатольевна «за»- 162
Дойников Юрий Андреевич «за»- 154
Голомарева Елена Христофоровна «за»- 147
Владимиров Леонид Николаевич «за»- 144
Наумов Дмитрий Федосеевич «за»- 142
Эверстов Михаил Ильич «за»- 134
Ким-Кимэн Александр Николаевич «за»- 132
Членов Владимир Михайлович «за»- 132
Андреева Марианна Матвеевна «за»- 126
Корякин Андрей Васильевич «за»- 125
Басыгысов Виталий Николаевич «за»- 121
Сосин Олег Константинович «за»- 118
Тимофеев Руслан Владимирович «за»- 113
Давыдова Светлана Николаевна «за»- 103
Макиенко Ольга Валерьевна «за»- 98
Мартынов Андрей Андреевич «за»- 84
Лугинов Николай Алексеевич «за»- 78
Софронеев Афанасий Афанасьевич «за»- 78
Спиридонов Леонид Николаевич «за»- 76
Морозкин Александр Павлович «за»- 72
Николаев Анатолий Павлович «за»- 66
Атласова Алена Николаевна «за»- 64
Тарасов Олег Владимирович «за»- 60
Ефремов Валерий Николаевич «за»- 52
Шарин Павел Петрович «за»- 47
Захаров Петр Иванович «за»- 44
Птицын Владимир Ильич «за»- 44
Прокопьев Александр Вячеславович «за»- 34
Дудников Александр Николаевич «за»- 32
Черных Сергей Георгиевич «за»- 30
Кемлиль Виталий Егорович «за»- 29
Сусоев Александр Владимирович «за»- 29
Андриевская Ирина Валерьевна «за»- 21
Кириллов Пахом Александрович «за»- 19
Ларионов Сергей Александрович «за»- 19
Простит Иван Алексеевич «за»- 19
Дьяконова Варвара Ильинична «за»- 16
Растригин Сергей Леонидович «за»- 16
Ищенко Евгений Игоревич «за»- 11
Силкина Марина Сергеевна «за»- 11
Скрябин Евгений Васильевич «за»- 11
Дмитриев Андрей Сергеевич «за»- 10
Кириллов Олег Николаевич «за»- 10
Лютый Валерий Алексеевич «за»- 6
Скотаренко Виктор Григорьевич «за»- 4
(Кыым.ру - 23.07.11) 2011-07-25 13:12:58 Всего просмотров: 2288 Поделиться: 
Ссылки по ключевым словам:
2025-04-08 02:08:41 - Ил Түмэн дьокутааттара Нам улууһун дэлэгээссийэтин көрүстүлэр 2025-04-01 12:40:52 - Александр Жирков: Саха уустара омук төрүт үгэстэрин, идэлэрин сөргүтүүгэ, төрөөбүт тылбытын харыстыырга үлэлииллэр 2025-03-26 06:10:21 - Коневоды из Амгинского улуса победили в соревнованиях "Сылгыһыт күрэҕэ" 2025-02-24 03:43:26 - Президент России вручил высшую государственную награду якутянину Андрею Григорьеву 2025-02-13 05:39:44 - Алексей Еремеев төрөөбүт тыл уонна сурук-бичик күнүнэн эҕэрдэтэ 2025-01-09 05:37:29 - Свыше 100 новых общественных пространств создано в Якутии по президентскому нацпроекту 2025-01-08 08:02:28 - Свыше 190 км дорог отремонтировали в Якутске в рамках президентского нацпроекта 2025-01-08 08:00:26 - Еще два дома культуры строят в Якутии в рамках президентского нацпроекта 2025-01-01 11:06:27 - Более 100 объектов здравоохранения ввели в Якутии в рамках президентского нацпроекта 2024-12-31 07:55:35 - Поздравление Заместителя Председателя Правительства Российской Федерации – полномочного представителя Президента Российской Федерации в Дальневосточном федеральном округе Юрия Петровича Трутнева с Нов |
