Сахалыы сыhыарыы
НӨМҮГҮЛЭР ҮРДҮК ҮҮНҮҮНҮ ЫЛАР САНААЛААХТАР
Прокопий ХАБАРОВ
 “Туймаада Агрохолдинг” АУо тэрилтэлэрэ күһүҥҥү хомуур үлэтигэр тэтимнээхтик киирэн хайыы–үйэ үрдүк көрдөрүүлэри ситиһэн эрэллэр. Ол курдук “Туймаада Экоферма” Нөмүгүтээҕи салаатын үлэһиттэрэ быйыл хаһааҥҥытааҕар да үрдүк үүнүүнү ылар кыахтаахтар. Быйыл олус үчүгэй сайын буолан бааһыналарга суданка, эбиэс дэлэйдик үүммүт.
Хаһаайыстыба механизатордара бэлиэтииллэринэн маннык үүнүү 4-5-тии сыл буола-буола хатыланан иһэр эбит. Ол эрээри быйыл эбиэс үүнүүтэ олус үрдүк.
“Холбуйа” бааһынатыгар 38 гектарга эбиэс ыһыллан ото сорох сиринэн миэтиртэн балачча үрдүк буолбут. Агроном Людмила Реева этэринэн бу бааһынаҕа үһүс күннэрин үлэлии сылдьаллар. Бастакы күннэригэр 3 гектар сиртэн 83 рулону оҥорбуттар.
Биир рулон ыйааһына 520 киилэ буоллаҕына гектартан 130-140 ц тиийэ ылбыттар. Бу ньүөлсүтүллүбэт бааһынаттан 60-80ц үүнүүнү ылалларын санаатахха олус үрдүк көрдөрүү. Уопсайынан быйыл эбиэһи ортотунан 100ц тиийэ ыларга суоттаналлар. Биллэн турар маннык үрдүк көрдөрүүнү ситиһии сиэмэ хаачыстыбатыттан, сааскы ыһыы технологиятын тутуһууттан, күнтэн-дьылтан уонна тэрээһин үлэтин ыытыыттан тутулуктанара саарбаҕа суох.
Хаһаайыстыба сенажка былаана 410т тэҥнэһэр. Нөмүгүлэр бу былааннарын куоһаран 800т бэлэмниир санаалаахтар. Онтон сиилэскэ үөһээ бааһыналарга ыспыт суданка отун икки тыһыынчалыы туонналаах сиилэс дьааматыгар уган бу күннэргэ толоруохтаахтар.
Суданка үүнүүтэ эмиэ куһаҕана суох. Ол курдук бу культура биир гаттан ортотунан 100ц ылыллыах курдук. Билигин да хомуур үлэтэ салҕанан бара турар. Агрохолдинг атын да хаһаайыстыбалара былааннарын толорордуу тэтминээхтик үлэлии сылдьаллар.
Источник: Aartyk.ru 2023-09-07 11:00:38 Всего просмотров: 496 Поделиться: 
Комментарии
Всего
[0]
Ссылки по ключевым словам:
2023-09-07 11:00:38 - НӨМҮГҮЛЭР ҮРДҮК ҮҮНҮҮНҮ ЫЛАР САНААЛААХТАР
2005-06-22 21:47:28 - КЫРДЬЫК ҮРДҮГЭР СЫМЫЙА ЫТТЫБАТ |
