Сахалыы сыhыарыы
САЙЫЛЫККА ТАХСЫЫ ТЭРЭЭҺИННЭЭХТИК БАРА ТУРАР
Прокопий ХАБАРОВ
 Ил Дархан Николаев А.С. саха төрүт үгэһин чөл тутар, тыа хаһаайыстыбатын аһын-үөлүн дэлэтэр уонна тыа хаһаайыстыбатын үлэһитин суолтатын үрдэтэр туһуттан 2018 сыл сэтинньи 6 күнүнээҕи 150 нүөмэрдээх ыйааҕынан ыам ыйын 22 күнүн сайылык күнүнэн биллэриллэн турар.
Онтон ыла бу күн хаһаайыстыбалар уһун кыһыны туораан күөххэ үктэнэн, сайын кэлбитин уруйдаан сайылык күнүн бэлиэтииллэр. «Туймаада» Агрохолдинг хаһаайыстыбалара ити үтүө үгэһи тутуһан араас хабааннаах тэрээһиннэри ыыталлар.
Ол курдук хаһаайыстыбалар сайылыктарын сөргүтэн, сүөһүлэрин көһөрөн үлэ өссө биир ураты уонна олус эппиэтинэстээх кэрдииһигэр киирдилэр. Агрохолдинг биир улахан хаһаайыстыбата экоферма Нөмүгүтээҕи отделенията быйыл урукку сыллардааҕар эрдэлээн ыам ыйын 21 күнүгэр сайылык күнүн көрсө «Хараанай» сайылыгар тахсан дьиэни-уоту сөргүтэн сайылык сэргэхсийэ түстэ.
Манна бэлиэтиэххэ наада тыа хаһаайыстыбатын миниистирэ Александров А.А. солбуйааччылларын, тустаах тэрилтэлэр салайааччыларын кытта сааскы ыһыы үлэтин, атын тыа хаһаайыстыбатын объектарын үлэлэрин билсэ сылдьан сайылыкка тиийэн үлэһиттэри сайын кэлбитинэн уонна элбэх үүт ыанар кэмэ үүммүтүнэн эҕэрдэлээтэ уонна бу кылгас сайыммытыгар тыа хаһаайыстыбатын сүрүн үлэлэрэ ыытыллалларынан бары биир сүбэнэн күүһү түмэн үлэлииллэригэр баҕатын биллэрдэ.
“Туймаада” экоферма икки хаһаайыстыбанан 1131 ынахсүөһүлээх. Ол иһиттэн ыанара 481 төбө. Нөмүгүлэр быйыл 329 ынах сүөһүнү Хараанай сайылыгар таһаардылар. Быйыл күөх эрдэ тахсан хаһааҥҥытааҕар да эрдэлээтибит диэн ыанныксыттар кэпсииллэр. Билиҥҥитэ 256 ынах ыана турар.
Бу күннэргэ ынах төрөөн ыанар ынах ахсаана эбиллиэ турдаҕа. Үлэһиттэр сайын устата ый аайы 90-100тн үүтү ыабыт киһи диэн былааннаналлар. Ол ситиһиллэр кыахтаах. Бу күннэрдээҕи ааҕыынан экоферма үрдүнэн күн аайы 4738 киилэ үүтү ыы олороллор. Мантан антах үүт өссө эбиллиэхтээх.
Атын хаһаайыстыбалары ылан көрдөххө; «Бөртө сылгы слбуота» өрүү буоларын курдук сайылыктарыгар эрдэ тахсаллар. Ол курдук хаһаайыстыба ыам ыйын саҕаланыыта 417 ыанар ынаҕы итини тэҥэ 317 ньирэйи таһааран сайылыктарга үлэ күөстүү оргуйар. Онтон өссө эрдэ муус устар бүтүүтэ 434 борооскуну сайылыктарыгар таһаарбыттар. Кыладабыайдар былаан быһыытынан 454 ынаҕы биир-икки күнүнэн сайылыкка таһаарыахтаахтар. Бу хаһаайыстыба 138 борооскуну ыам ыйын саҕаланыыта таһаарбыта.
Победалар быйыл сүөһүлэрин ыам ыйын 17 күнүгэр тэрээһиннээхтик таһааран үлэлии-хамсыы сылдьаллар. Ол курдук бу хаһаайыстыба 164 ынаҕы, 199 борооскуну, 127 ньирэйи сайылыкка таһаарбыт. Онон агрохолдинг үрдүнэн 1175 ынах сүөһүнү, ол иһиттэн ыанара 417 уонна 324 борооскуну сайылыкка таһаардыбыт диэн исписэлиистэр кэпсииллэр.
Быйыл дьыл арыый эрдэлээн мэччирэҥнэринэн күөх от бытыгырыы тахсан ынах, сылгы мэччийэригэр сайыҥҥылыы үтүө күннэр тураллар. Бу курдук баран истэҕинэ үүт да дэлэйиэ, сүөһү да төлөһүйэ уойуо. Ол буолуо тыа сирин үлэһит дьонун сыралаах үлэтин түмүгэ.
Источник: Aartyk.ru - https://aartyk.ru/obshhestvo/sajylykka-taxsyy-teree%d2%bbinneextik-bara-turar/ 2025-05-24 08:18:39 Всего просмотров: 122 Поделиться: 
Комментарии
Всего
[0]
Ссылки по ключевым словам:
2025-06-06 12:29:41 - Куоһаҕаска сайылык күнэ 2025-05-24 08:18:39 - САЙЫЛЫККА ТАХСЫЫ ТЭРЭЭҺИННЭЭХТИК БАРА ТУРАР
2025-05-22 04:29:34 - С Днем Сайылыка!
2025-05-22 04:28:28 - Глава Якутии Айсен Николаев поздравляет с Днём сайылыка
2024-07-25 06:09:48 - Бүлүү «Истигэнэ суох» саарына Игорь Григорьев хаайыыттан тахсарын ким утарсар? 2023-11-12 04:45:11 - Александр Атласов: Саха ынаҕын иитии, чинчийии үлэтэ саҥа таһымҥа тахсыаҕа 2022-05-23 11:24:14 - В День сайылыка открылись новые объекты, в которых будет содержаться якутский скот 2022-05-22 11:56:52 - В День сайылыка на Колыме первые подвижки льда
2022-05-22 02:25:33 - Айсен Николаев поздравляет с Днём сайылыка 2022-05-12 17:34:50 - В Якутии к новому сезону готовятся 355 сайылыков |
