Сельское хозяйство и АПК
БЫЙЫЛГЫ СОРУКТАР УЛАХАТТАР. ОНУ ТОЛОРУУГА КЫАХТАР БААЛЛАР
Прокопий ХАБАРОВ
 “Туймаада” Агрохолдинг АУо хаһаайыстыбаларын иннигэр быйылгы сылга улахан былааннар турдулар. Ол курдук ынах да сүөһү иитиитигэр, үүнээйини кытта да үлэҕэ урукку сыллардааҕар улахан былааннар тураллар.
Ити барыта Ил Дархан тыа хаһаайыстыбатын сайыннарыыга туһаайбыт соругун толорууга ыытыллар үлэлэр. Ынах сүөһү иитиитэ агрохолдинг хаһаайыстыбаларын сүрүн хайысхата. Онон бу хайысхаҕа улахан болҕомто ууруллар.
Бу сылга бары хаһаайыстыбаларга ынах ахсаанын 3543 төбөҕө тиэрдии соруга турар. Онтон ыанар ынах ахсаанын 1794 төбөҕө тиэрдиэхтээхтэр. 2024 сылга хаһаайыстыбаларга 3312 ынах сүөһү ол иһиттэн ынаҕа 1735 төбө баара.
Бу сылга үүт ыама эмиэ үрдүөхтээх. Ол курдук үүт валовай ыама 5844 тн тиэрдэр сорук турда. Ааспыт сылга үүт ыама 5486 тн этэ. Онтон биирдии ынахтан сылга ортотунан үүтү ыаһын 3215 киилэҕэ тиийиэхтээх.
Ааспыт сыллаахха бу көрдөрүү 3121 киилэҕэ тэҥнэһэрэ. Төрүөх ылыллыыта эмиэ улаатыахтаах. Ол курдук бары хаһаайыстыбаларга уопсайа 1581 төрүөх ылыллыахтаах. Хаһаайыстыбалары биирдиилээн ылар буоллахха.
«Туймаада» Экоферма икки хаһаайыстыбатыгар былырыын 973 ынах сүөһүлээх буоллахтарына бу сылга 1063 төбөҕө тиийэ элбэтэр сорук турар. Бу хаһаайыстыба элбэх үүтү ыыр хаһаайыстыбанан биллэр. Онон былааннара быйыл үрдүк.
2024 сыллаахха экоферма үрдүнэн 1515 тн үүт ыаммыт буоллаҕаны быйылгы сылга 1724 тн үүт ыанара былааннанар. Биир ынахтан ортотунан 3122 киилэ үүт ыаныллыахтаах.
«Кладовая Олекмы» ХЭУо ынах сүөһүтүн ахсаана былырыыҥҥы сыллааҕы кердерүүнү кытта тэҥ. 705 ынах сүөһүнү бу сылга туруорар былаан баар. Онтон ыанара 414. Былаан быһыытынан 1550 тнүүт ыаныллыахтаах.
Биир ынахтан ааспыт сылга3311 киилэ үүтү ыабыт буоллахтарына быйыл букөрдөрүүнү 3753 киилэҕэ тириэрдэр сорук турар.Хаһаайыстыба бу сылга 381 ньирэй ылылларабылааннанар. “Бөртө сылгы собуота” ХЭУо сүөһүтүн ахсаанын быйылгы сылга 929 төбөҕө тириэрдэр соруктаах.
Ааспыт сылга ынах ахсаана 893 төбөҕө тэҥнэһэр этэ. Ыанар ынаҕы 403 төбөҕө тиийэ элбэтиэхтээхтэр. Быйыл хаһаайыстыба 1250 тн үүтү ыыр былааннаах. Хас биирдии ыанар ынахтан үүтү ыаһын ортотунан ааспыт сыллааҕы көрдөрүүнү куоһаран 3146 киилэҕэ тириэрдэр соруктаахтар.
Онтон «Победа» ХЭУо бу сылга ынаҕын сүөһүтүн ахсаанын 290 төбөҕө тиийэ элбэтэр былааннаах. Онтон ыанар ынаҕын ахсаанын 169 төбөнөн хаалларар былаан баар. Үүт былаана оннунан хаалар. Ол курдук быйылгы сылга 250 тн үүт ыаныллыахтаах.
«Новай совхоз» АУо ааспыт сылга 449 ынах сүөһүнү сылы туораппыт буоллаҕына быйыл ити сыыппара улаатан 558 төбөҕө тиийэ улаатыахтаах. Онтон ынаҕын ахсаана 283 төбөҕө тиэрдиллиэхтээх.
Сопхуос быйылгы сылга 1070 тн үүтү ыыр былааннаах. Хас биирдии ынахтан ортотунан 3998 киилэ үүт ыанара былааннанар.Ааспыт сылга бу көрдөрүү 3841 киилэҕэ тэҥнэһэр этэ. Онон былаан үрдээбитэ көстөр.
Онон агрохолдинг хаһаайыстыбаларыгар бу сылга улахан соруктар тураллар. Ол да буоллар хаһаайыстыбалар бу туруоруллар соруктары толорорго дьулуһаллар.
Манна биири бэлиэтиэххэ наада: хаһаайыстыбалар бары сылтан сыл аайы былааннарын үлаатыннаран Ил Дархан туруорар соругун толорууга үлэлииллэрэ холобур эрэ буолуон сөп.
Источник: Aartyk.ru - https://aartyk.ru/obshhestvo/byjylgy-soruktar-ulaxattar-onu-toloruuga-kyaxtar-baallar/ 2025-05-06 03:01:07 Всего просмотров: 164 Поделиться: 
Ссылки по ключевым словам:
2025-05-06 03:01:07 - БЫЙЫЛГЫ СОРУКТАР УЛАХАТТАР. ОНУ ТОЛОРУУГА КЫАХТАР БААЛЛАР
2018-12-20 09:51:29 - Александр АТЛАСОВ: “Сири сөпкө туһаннахха — тыа хаһаайыстыбата сайдар кыахтаах”
|
