Сахалыы сыhыарыы
Миниистир ыстаана «ууннары тардылынна»
 Дьэ, эрэйдээх да ыстаан диэтэххит! Арааһа ханнык да тойон баккыта итинник айылаахтык ырытылла илигэ буолуо.
Саха Өрөспүүбүлүкэтин Үрдүкү суута, Иван Старостин быраатын «өлөрүөхсүт» диэн баһааҕырдыбыт суруналыыһы Инна Федорованы уонна кини ыстатыйата тахсыбыт «Якутск Вечерний» хаһыаты саат куттарыыттан босхолоото.
Санатар эбит буоллахха, бастакы түһүмэх суукка Иван Старостин кыайбыта. Миниистир Стахов Эбээн Бытантайга (тоҕо да ыҥыраахтаабыттара буолла) таба бырааһынньыгар тиийэн баран буутун быһа ыттаран кэлбит диэн буолбута. Ол быһылаан кэнниттэн, үрдүк сололооҕу ыппыт киһи «Петр С. булулунна» диэн «ЯВ» бэчээттээн турардаах. Биллэн турар, оннук «сибидиэнньэни» суруналыыска ким эрэ үөһэттэн «сибис» гыннаҕа. Дьокуускайга олорон И.Федорова Эбээн Бытантайга ким тугу сэлэспитин хантан билиэҕэй?!
Петр Старостин убайа Иван Старостин бастакы суукка хотон, хаһыаттан уонна суруналыыстан 50 тыһ. ылардаах хаалбыта. Ол гынан баран, ол «ылары» Үрдүкү суут бопто. Хаһыат, суруналыыс «бэйэтин санаатын» суруйара көҥүл диэн буолла.
Тымтыммакка даҕаны, И.Федорова кэннигэр Стахов миниистир турара ыйдаҥардыллар. Онон, бу сырыыга суут баһа мэкчиргэ диэн этэллэрэ уот харахха буолла.
(Кыым.ру - 14.10.10) 2010-10-14 11:32:47 Всего просмотров: 1798 Поделиться: 
Ссылки по ключевым словам:
2022-03-23 06:30:14 - Алгыстаах чороон - Өргүөккэ 2017-11-16 07:01:23 - МИНИИСТИР ТУОХ КӨРҮҮЛЭЭҔИЙ? 2012-04-24 01:01:29 - Афанасий Максимов дьыалата: информационнай хааччах кимиэхэ барыстааҕый? 2010-10-14 11:32:47 - Миниистир ыстаана «ууннары тардылынна» |
