Сельское хозяйство и АПК
СОТОРУ КЭМИНЭН БААҺЫНАЛАРГА ҮЛЭ КҮӨСТҮҮ ОРГУЙУО
Прокопий Хабаров
 Агрохолдинг сүөһүттэн ылыллар бородууксуйаны үрдэтии төрүөтэ аһылыкка сытарынан сүөһүнү отунан, иҥэмтиэлээх аһылыгынан хааччыйыы боппуруоһугар хаһан тэриллиэҕиттэн күүскэ үлэлиир. Ол түмүгэр быйылгы былаан быһыытынан бааһына иэнин 3137,5 гектарга тириэрдэн үлэ ыытыллыахтаах. Ол иһигэр биир сыллаах от ыһыллар иэнин 2943 га тириэрдии соруга турар.
Хаһаайыстыбаларга билиҥҥитэ 5894 га оттонор ходуһа баар. Быйыл хаһаайыстыбаларга барыта 7570 тн от оттоноро былааннанар. Ону таһынан 10050 тн сиилэс уонна 2700 тн сенаж бэлэмнэниэхтээх. Агрохолдинг биэс хаһаайыстыбата араас культураны ыһан сиилэһи, сенаһы бэлэмнииргэ күүскэ үлэлииллэр. Оннук да буолуохтаах сүөһү үүтэ тылыгар дииллэринии сүөһүнү төһөнөн иҥэмтиэлиэх аһылыгынан аһатаҕын да кини биир оччону биэрэр. Ол да иһин хаһаайыстыбалар ыһыы иэнин кэҥэтэн хаһан агрохолдинг тэриллиэҕиттэн бу хайысхаҕа күүскэ үлэлииллэр. Ол түмүгэр үүт ыаһына сылтан сыл үрдүү, улаата турар. Хас биирдии ыанар ынахтан үүтү ылыы 3000-х кирбиини куоһаран, сорох хаһаайыстыбалар 4000киилэҕэ чугаһатан эрэллэр.
Биирдиилээн хаһаайыстыбаларынан быйылгы былааннарын ылан көрдөххө: «Кладовая Олекмы» ХЭУо 763 гектар сиргэ биир сыллаах оту ыһыахтаах. Онтон «Туймаада» Экоферма икки хаһаайыстыбатыгар 848 гектар сиргэ биир сыллаах оту ыһар былааннаах. Бөртөлөр быйыл 750 гектар сиргэ биир сыллаах оту ыһарга былааннаналлар. «Новай сопхуос» АУо быйылгы сылга былаана 367 га онтон“Победа” ХЭУо 215 гектарга биир сыллаах оту ыһар былааннаахтар.
Оттуур ходуһаны уонна мэччирэҥ сирин тупсарыы быйыл салҕанан барар. Ол курдук хаһаайыстыбалар бары бу хайысхаҕа үлэлэһэр былааннаахтар. «Кладовая Олекмы»ХЭУо 409 га оттуур ходуһалаах эбит буоллаҕына быйыл 110 га сири тупсарыыга үлэ ыытыахтаах. Онтон «Туймаада»Экоферма 1250 га оттуур ходуһалаах. Быйылгы былаан быһыытынан 172 га сиргэ тупсарыы үлэтин ыытыаҕа. “Новай сопхуос” акционернай уопсастыба 435 га оттуур ходуһалаах. Быйылгы сылга былаана 120 га сири тупсарыахтаах.
Окко былаан быйыл эмиэ улахан. Өлүөхүмэлэр быйыл 770 тн от, 2400 тн сиилэс уонна 1050 тн сенаж бэлэмниир соруктаахтар. Онтон экоферма икки хаһаайыстыбаларынан 2400 тн от, 3700 тн сиилэс, 200 тн сенаж бэлэмнииргэ былааннаналлар. Бөртө хаһаайыстыбата окко былаана барыларыттан улахан. Ол курдук бу хаһаайыстыба 3000 тн оту бэлэмниэхтээх. Ону таһынан 1900 тн сиилэс уонна 800 тн сенаж бэлэмнииргэ соруктаахтар. Новай сопхуос быйылгы сылга 400 тн оту бэлэмнииргэ былааннаахтар. От былаана кыра курдук эрээри бу хаһаайыстыбаҕа сиилэһи хото бэлэмнииргэ сананаллар. Ол курдук манна былааннара 1750 тн. Сенажтара 400 тн. Победалар быйыл 1000 тн оту, 300 тн сиилэһи, 250 тн сенаһы бэлэмнииргэ былаан оҥостон үлэлии сылдьаллар.
Көрөргүт курдук быйылгы сылга ыһыы да үлэтигэр, окко даҕаны былаан улахан. Ону толорорго техника да, үлэһит илии да барыта баар. Халлаан туран эрэ биэрдэр.
Источник: Aartyk.ru
2025-05-08 01:26:21 Всего просмотров: 388 Поделиться: 
Ссылки по ключевым словам:
2026-04-05 16:45:08 - ҮҮТ – БИҺИГИ ТӨРҮТ АСПЫТ 2025-10-28 08:13:31 - Үлэни өрө тутан 2025-05-08 01:26:21 - СОТОРУ КЭМИНЭН БААҺЫНАЛАРГА ҮЛЭ КҮӨСТҮҮ ОРГУЙУО 2024-11-07 17:02:22 - НАМҤА ЭКОФЕРМА САЛААТА ҮЛЭЛИИР 2024-10-16 07:34:18 - Кыстыкка киирии кэминэн бара турар 2024-10-01 06:37:37 - В Якутии по миллиону рублей перечислят 17 обладателям почетного знака «Үйэ саас» 2024-08-28 06:08:18 - СҮӨҺҮ АҺЫЛЫГЫН БЭЛЭМНЭЭҺИН САЛҔАНАН БАРА ТУРАР 2024-06-27 23:09:03 - Въезд на территорию комплекса «Үс Хатыҥ» будет закрыт с 22 часов 28 июня 2024-02-08 17:08:15 - САХА НОРУОТА ДУХУОБУНАС ӨТТҮНЭН САЙДАРЫГАР БАРЫ КЫАХ БААР. Саха Сирэ ойууннааһыҥҥа Аан дойду киининэн буолуон сөп - Лэгэн Лэгэнтэй 2024-01-01 05:21:48 - АРТЕМ АЛЕКСАНДРОВ: «ҮЛЭ САҤА ХАРДЫЫТА АҔА КӨЛҮӨНЭЛЭР ҮТҮӨЛЭРИТТЭН СИЛИСТЭННИН!» |
