В парламенте
Ил Түмэн хатыыһы, муксууну сокуоннайа суох балыктааһын иһин ыстараабы намтатарга этии киллэрдэ
 Саха сиригэр сэдэх балык көрүҥнэригэр сокуоннайа суох балыктааһын иһин ыстарааптааһыҥҥа дьокутааттар суолталаах быһаарыыны ылыммыттарын туһунан Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин иһитиннэрдэ.
Кини этэринэн, норуот дьокутааттара эрэгийиэҥҥэ балыктааһын быраабылаларын кэһии иһин ыстарааптары кыччатыыга РФ Бырабыыталыстыбатыгар этии ыытар туһунан көҕүлээһини бигэргэттилэр. Бу кыһалҕа өрөспүүбүлүкэ олохтоохторо, идэтийбит булчуттар уонна балыксыттар буруйдуур дьаһал үрдүгүттэн астымматах этиилэрин кэнниттэн үөскээтэ.
Өлүөнэ өрүс кытылыгар сокуоннайа суох бултааһын (тутуу) иһин ыстараап кээмэйэ билиҥҥитэ 160 тыһ. солк. 21 тыһ. солк. диэри кыччыахтаах. Муксуун иһин ыстараап – 3,6 тыһ. солк. тэҥнэһиэхтээх.
Андрей Находкин ыстарааптары кыччатыы уу ньуурдарын аттыларыгар, биэрэккэ олорор нэһилиэнньэни көмүскүүргэ туһуламмытын тоһоҕолоон бэлиэтээтэ. Ол эрээри айылҕа харыстабылыгар тахсар кэһииллиилэргэ эппиэтинэс миэрэтин тутуһар, быраканьыардааһыны сэрэтэр үлэ болҕомтоҕо ыллыллыахтааҕын туһунан эттэ.
Маны таһынан, Ил Түмэн Бэрэссэдээтэлэ Алексей Еремеев «Уһук Илин уонна Забайкалье» парламент ассоциациятын мунньаҕар дойду атын эрэгийиэннэрин бэрэстэбиитэллэрэ Саха сирин дьокутааттарын көҕүлээһиннэригэр биир санааны тутуһан өйүүллэригэр ыҥырда. Бииргэ үлэлээһин үтүө түмүктэри түргэнник ситиһэргэ кыах биэриэҕэр халбаҥнаабат эрэллээҕин биллэрдэ.
«Саха сирин өрүстэринэн үлэлиир уонна уу баайын туругар хорумньулаахтык дьайар элбэх тэрилтэ баарын учуоттуур олус суолталаах», — диэн Андрей Находкин эбэн эттэ.
Дьокутааттар баһыйар куоластарынан быһаарыы ылылынна. Докумуон билигин Россия Бырабыыталыстыбатын таһымыгар көрүллүөхтээх. Ыстарааптары ааҕыы ньыматыгар киирбит этиини бырабыыталыстыба быһаарыахтаах.
Ил Түмэн пресс-сулууспата
2025-06-17 00:12:45 Всего просмотров: 170 Поделиться: 
Ссылки по ключевым словам:
2025-10-21 06:54:09 - Ил Түмэн бэрэссэдээтэлэ Алексей Еремеев «Талбан» биэриигэ Төрүт Сокуоҥҥа киирэр уларытыылары быһаарда 2025-08-31 08:29:12 - Дьиҥнээх эр бэрдэ, амарах аҕа уонна сиэрдээх киһи оҕотуттан аккаастаммат. Василий Аммосов үтүө аатыгар 2025-06-17 00:12:45 - Ил Түмэн хатыыһы, муксууну сокуоннайа суох балыктааһын иһин ыстараабы намтатарга этии киллэрдэ 2025-04-08 02:08:41 - Ил Түмэн дьокутааттара Нам улууһун дэлэгээссийэтин көрүстүлэр 2024-08-18 00:25:05 - В Нюрбе состоялось официальное открытие II Республиканского молодежного фестиваля «Түмэр түгэн» 2023-08-15 06:52:05 - Александр Жирков: Итэҕэлгит иһин махтанабын 2023-01-21 14:02:47 - Алексей Еремеев Нам улууһун 2022 сыллааҕы түмүгүн таһаарыытыгар кытынна 2022-11-22 06:20:18 - Аҕыйах үөрэнээччилээх оскуолалар дьылҕаларын Ил Түмэн бэйэтин көрүүтүгэр ылла 2022-02-12 16:26:50 - «Бу Дьокуускай» биэриигэ: Саха сирин ойуурун түмэлигэр (11.02.22) 2021-12-13 08:11:45 - КЭРИЭСТЭБИЛ. Дьон өйдүүрүн тухары – киһи тыыннаах |
