Выборы мэра-2012
Куорат мээрин кириэһилэтин тула дуораһыйар сүпсүлгэн
Күнтэн күн, быыбартан быыбар диэбиккэ дылы, аны кулун тутарга буолар Дьокуускай куорат мээрин кириэһилэтин тула сүпсүлгэн саҕаланна. Сонун ситимнэригэр ким мээр дуоһунаһыгар кандидат буолара аһаҕастык ырытыллар.
Куорат олохтоохторугар сарсыардааҥҥы сахсаан, киэһээҥҥи кэпсээн ыаһаҕа буоларга түһэр биэтэк бэрилиннэ. Билигин куорат салайааччытынан үлэлии сылдьар Юрий Заболев иккистээн кандидатуратын туруоруон да сөп. Маннык балаһыанньаны болҕомтоттон сотор сатаммат.
Аны туран Дьокуускай куорат Дууматын бэрэссэдээтэлэ Александр Саввинов аата эмиэ ааттанар.
Ил Түмэн дьокутаата, «Виктория» миэбэл маҕаһыынын тойоно Владимир Федоров мээргэ кандидатынан турара буолуо диэн кэпсэппиттэрэ эмиэ син балачча буолла.
Уостан түспэт «испииһэккэ» Гордума дьокутаата Виктор Федоров, «Губинскай» уокурук салайааччыта Анатолий Кырдьаҕааһап ааттара бааллар.
Бэл, Судаарыстыбаннай Дуума урукку дьокутаата айдааннаах Михаил Эверстов «Дьокуускайга мин бэрээдэк олохтуом этэ», - диэбит сураҕа иһиллибитэ.
«Сиэрдээхтэр» сирдьиттэрэ Сөдүөт Тумууһап ааспыт пресс-кэмпириэнсийэҕэ куорат мээригэр бэйэлэрин киһилэрин, аатын ааттаабакка туран, таһаарыахтарын былаанныырын этэн турар.
Бүгүн, ахсынньы 4 күнүгэр, буолбут хомуньуустар пресс-кэмпириэнсийэлэригэр Виктор Губарев хомуньуустар ортолоругар мээр буолуон сөптөөх дьоһун дьон аҕыйаҕа суохтарын тоһоҕолоон эттэ.
Мээр дуоһунаһыгар оннооҕор, миигинниин биэс хааһах диэбиккэ дылы, «Жизнь Якутска» диэн хобу-сиби тарҕатар, буолары-буолбаты кэпсиир хаһыат эрэдээктэрэ Юрий Городецкай суоһанар диэн кэпсииллэр.
Бу күҥҥэ быыбар хаартатын холуодатын дьоруойдарын испииһэгэ маннык.
http://www.kyym.ru/index.php/olox/jon/5361-2011-12-07-06-40-34 2011-12-07 23:23:41 Всего просмотров: 1994 Поделиться: 
Ссылки по ключевым словам:
2023-06-22 08:43:03 - Александр Жирков: Чурапчы аата, саха аата үйэлэр тухары ааттана, дуораһыйа турдун! 2022-12-09 09:44:27 - Киин куораты бэйэ чэгиэн аһынан хааччыйар урбаанньыт-бааһынай
2020-04-14 16:12:19 - ОФИЦИАЛЬНОЕ СООБЩЕНИЕ ПО ПОВОДУ СТАТЬИ В ГАЗЕТЕ «КИИН КУОРАТ» 2014-09-30 10:37:34 - Муниципальным газетам «Эхо столицы» и «Киин куорат» - 15 лет! 2013-04-29 17:12:50 - Куорат Думатын депутатыгар кандидаты таларга Айаал БУРЦЕВ кыайтарда 2012-12-15 09:49:38 - Дьокуускай куорат хаһаайыстыбата дьаһалталаах хаһаайыны күүтэр 2012-02-28 14:54:05 - Киин куоратын сүтэрбит омук хотторор 2011-12-29 22:43:08 - Анатолий Кырджагасов: «Дьокуускай куорат дьаһалтата аҥардастыы политиканан үлүһүйбүтэ туохха тиэрдибитин көрдүбүт» 2011-12-07 23:23:41 - Куорат мээрин кириэһилэтин тула дуораһыйар сүпсүлгэн 2010-09-30 23:23:07 - Дьокуускай куоракка сахалыы оскуола туруга |
